مدونة ري ري

السبت، 2 مايو 2009

قريب ان شاءالله نيو لوك للمدونة..~

1:40 م | كتبتهآ .. ري ري |

تعديل الرسالة

بسم الله الرحمن الرحيم
السلآم عليكم ورحمة الله وبركآته

الحمدلله انتهيت من تصميم استايل خاص بمدونتي ..

ماشاءالله تبارك الله مررة مبسوطة من نفسي ..

باذن الله ليا عودة لتركيب الاستايل .. واديكم تفاصيل عنه أكثر ..

وناوية تجديد كآمل للمدونة مع الستايل الجديد باذن الله ..

بس محتآرة ايش اختار اسم جديد معتمد للمدونة .. ولا اسيبها بنفس الاسم ..

<<--- يآشيني و انا مترددة ..

--------------------------------------------

خلاص خلصت كل شي و كله تمام و مرتب ..

بس باقي التركيب باذن الله ..

ابغى اركبه و خايفة لاتحوس الدنيا .. لأني انا اللي مسوية القالب .. فاتوقع انه اي شي ممكن يصير ..

الله يستر بس ..

التصنيفات: 1 بدآية, مجرد فضفضة ..~ |

2 تعليقآتكم

الجمعة، 1 مايو 2009

ورجعنآ للقلق ..~!

10:47 م | كتبتهآ .. ري ري |

تعديل الرسالة

يووووه معقولة اسبوع كآمل بدون نت .. !!

لا لا بصرآحة انا استآهل جآئزة ..

بصرآحة اسبوع الاجآزة دآ .. يآربي لك الحمد مرررررة انبسطت فيه وغيرت جو ..

من زمـــآن ما انبسطت بالاجازة كدا ..

صحيح هو و اسبوع وخلص .. بس كان من احلى و اطول و اسرع الاسابيع ..

الله يجيب الاجآزة الكبيرة على خير و سعآدة يآرب ..

وتكون أحلى و أحلى من دي الاجازة اللي راحت ..

دحين الله يعيننا نبدأ الدفرة و الدراسة و القلق الاختبارات ..

دا غير البحوث و المشاريع اللي لازم نخلصها ..

اللهم لاسهل الا ماجعلته سهلا وانت تجعل الحزن اذا شئت سهلا ..

اللهم اشفيه و اشفي كل مريض و احفظه اللهم لاهله واطل في عمره بالصحة و العافية ..

اللهم لاتفجعني فيه ولاتحرمني لقياه يآرب العالمين ..

التصنيفات: مجرد فضفضة ..~ |

4 تعليقآتكم

الثلاثاء، 21 أبريل 2009

ستآيل المدونة ..~

7:07 م | كتبتهآ .. ري ري |

تعديل الرسالة

اممممم .. افكر جديا في تغيير استايل المدونة .. !!

مع اني انسانة اسمي ري ري .. بس مآ أقدر اقتنع بالتغيير بسرعة .. <<-- وايش دخل اسمك ؟؟

واحيانا كثيرة اقتنع فيه بسرعة .. !! <<-- مدري ايش تبغى من الحياة .. خخخخخ

جالسة ادور على قوالب عدلة .. بس مدري ..

لقيت واحد تقريبا عجبني .. بس برضو مدري ..

افتوني في أمري يآجزآكم الله خيرا ..

لو كنتوا مكآني .. ودا استايل مدونتكم الحالي .. و لقيتو استايل تاني نقدر نقول حلو ..

ياترى راح تغيروووه ولا لا ..

؟؟

التصنيفات: 1 بدآية, مجرد فضفضة ..~ |

6 تعليقآتكم

اصــآبـــة ..~!

6:28 م | كتبتهآ .. ري ري |

تعديل الرسالة

نونو الله يسامحك بس ..

اصآبة محترمة ..

اللي يشوفني يحسبني مسوية سيليكون بـ شفايفي .. عند دكتور باكستاني بشهادة مزورة .. هع

نص عادي ونص مدري كيف ..خخخخخ

يللا أكبر و انسى ان شاءالله ..

التصنيفات: مجرد فضفضة ..~ |

4 تعليقآتكم

السبت، 18 أبريل 2009

الزئبق الأحمر ..~!

2:27 م | كتبتهآ .. ري ري |

تعديل الرسالة

يآحي الله حبآيبنآ .. ^^

اكيد سمعتوآ عن حكآية الزئبق الأحمر ولا ..

شي العالم تبيع بأسعآر خيالية .. وصلت 70 الف ..

!!

و الحريم كل وحده تتصل ع الثانية .. هاه ايش نوع ماكينة الخياطة تبعك .. ؟؟

واختفت ابراج الجوال عندها ولا لا .. ؟؟ <<-- يعني تتأكد فيها زئبق ولا مافيها .. هههههههه

<<--- طبعا معظمهم عجايز .. نآدر تلاقي الماكينة ابو اسد و ابو فراشة الا عند العجايز ..

ويقولوا مشاغل الخياطة صارت تخيط بابرة و خيط .. <<-- كلهم باعوا المكاين حقتهم ..

بصرآحة هيا الهرجة غبية .. و الواحد يستغرب كيف الناس صدقت الغباء دآ .. ؟!

بس بصراحة بصراحة اكثر .. انا من سمعت بالالوف و تفكيري الاجرامي مو راضي يوقف ..

تخيلو ياجماعة الخير .. اول شي جدتي عندها مآكينة ابو اسد .. !! لااا و الغطاء حقتها ابو فراشة .. !!

يعني كششششخة .. اقول لجدتي بيعي الماكينة لوحدها و الغطاء حقتها لوحده ..

تقولي لا ابغى استثمرها يمكن يصير سعرها اعلى .. <<--- شغل تجارة ..

ثاني شي .. شغالتنا عندها ماكينة سنجر ابو كائن غريب .. <<--- جديدة دي بس ترا شكلها اسد و فراشة اثنين بواحد ..

والمشكلة مدري هيا الماكينة اصلا حقتنا و حاطينها عندها ولا هيا جايبتها من الشارع .. بس انا عيني عليها ناويتها ناويتها .. خخخخخخخخ

عموما بغض النظر عن انه الهرجة غبية و العالم اغبياء و يصدقوا بسرعه .. مع احترامي للجميع ..

يعني اذا فيه ناس تشتريها مني ليش ما ابيعها ..

انا بصراحة بديت افكر اخطف ماكينة جدتي و شغالتنا و اديها بابا يبيعها و السعر نص بالنص ..

ياجماعة مين في جدة و يبغى المكاين دي يقولي و اوصلها لباب بيته ..

ان شاءاالله اجيبلكم صور للمكاين صورتها ..

للجادين فقط .. البيع للسعر الاعلى ..

التصنيفات: مجرد فضفضة ..~ |

6 تعليقآتكم

Follow Me ~

About Me ~

تابعوني من هنا

Blog Archive

قريب ان شاءالله نيو لوك للمدونة..~

ورجعنآ للقلق ..~!

ستآيل المدونة ..~

اصــآبـــة ..~!

الزئبق الأحمر ..~!