مدونة ري ري

الجمعة، 21 يناير 2011

سلمولي على جدة ..~!

2:46 ص | كتبتهآ .. ري ري |

تعديل الرسالة

بسم الله الرحمن الرحيم

السلام عليكم و رحمة الله و بركاته

يسعد ايامكم جميعا .. =)

كيف الاجواء عندكم ؟؟ انا عن نفسي الاجواء هنا باردة ابرد شي .. =X

و متوقعين اليوم بالليل ينزل علينا ثلج ان شاءالله .. كل الامنيات القلبية بأن كمية الثلج تكون جدا كبيرررة عشان مانروح المعهد بكره ..=$ !! <<--- و عشان شايلة هم الواجب الطويل =P

المهم ماعلينا ماعلينا .. على طاري الثلج .. امممم ياترى لو يوم نزل ثلج على جدة ايش راح يصير ..!؟

راح نتجمد ؟ ولا نغرق ؟! ولا راح تتقفل الشوارع و زحمة و حالة ؟ ولا ايش راح يصير ياترى ..؟

كل مرة ينزل علينا هنا ثلج و مطر و ننزل الشارع افكر في حاجة وحدة .. لو الاجواء دي عندنا في جدة كيف راح يتم التعامل معاها !؟

هنا تنزل الثلوج بكمياااات كبيييرة و عواصف ثلجية و امطار .. تتوقعوا الشوارع صار فيها شي ؟؟؟

الشوارع ولا كأنو نزل ثلج .. اصلا بمجرد ماينزل الثلج تبدأ سيارات كبيرة تشتغل رايحة جاية تنظف الشارع .. وطول ما الثلج بينزل السيارات دي تنظف .. حتى ممرات المشاة تتنظف من الثلج ..!! ولا يتقفل شارع ولا تصير زحمة ولا غرق !!

يعني ايش المنظر لما يوقف الثلج ..!؟ دنيا بييييضة مغطية ثلج .. بس شوارع نظيفة !

التصنيفات: مجرد فضفضة ..~ |

7 تعليقآتكم

الخميس، 6 يناير 2011

حياة جديدة ..~

11:02 م | كتبتهآ .. ري ري |

تعديل الرسالة

بسم الله الرحمن الرحيم
السلام عليكم و رحمة الله و بركاته

يسعد أيآمكم جميعا .. زوآر المدونة الكرآم و المتابعين لها .. =)

غبت عن عالم التدوين و الكتابة بشكل عام قرابة الستة اشهر .. فاعذروني و اصبروا علي اذا لم استطع الكتابة بشكل جيد .. ريثما أعتادها مرة أخرى .. =)

قبل 6 أشهر من اليوم .. تغيرت حياتي كليا .. و انتقلت من حال الى حال .. <<-- من حال جميل الى أجمل و لله الحمد .. =)

أصبحت متزوجة .. و مغتربة .. انتقلت من بيت والدي .. الى بيتي =) .. و انتقلت مع زوجي من بلادنا الحبيبة الى بلاد الغربة "الولايات المتحدة الامريكية" .. ريثما ينتهي زوجي من دراسته " دعواتكم له بالنجاح =) "

بدأت ادرس اللغة قبل 3 اشهر و اتمنى ان انتهي منها الشهر القادم باذن الله .. " كمان دعواتكم ليا بالنجاح D= "

لن اتحدث عن حياتي الجديدة فلا اعتقد ان فيها مايهم .. و لكنني سأتحدث عن البلاد الجديدة التي أسكنها الان .. و هيا بالطبع تختلف تمااااامااا عن بلادي الحبيبة .. =)

اممممم حديثي هنا لا اعتقد انه سيكون ذو قيمة او فائدة تذكر .. كل مافي الامر هو انني اود تدوين بعض النقاط عن ماوجدته هنا .. نقاط مهمة نقاط ليش لها اي معنى .. المهم سأكتب .. فلكم ان تقرأوا ما كتبت ولكم ان تغلقوا النافذة .. لا شيء اجباري هنا .. <<-- لايكثر بس !

و قبل ان ابدأ بتدوين النقاط أحب أن اغير طريقة كتابتي من العربية الفصحى الى العامية .. " عشان اخذ راحتي في الكتابة =$ "

بسم الله نبدأ ..

* الجو هنا طبعا يختلف 180 درجة عن الجو اللي اتعودت عليه .. في الصيف الجو مرررة جميل .. يميل احيانا للحرارة .. و في الشتاء"دحين يعني" .. البرررد قااااتل .. درجة الحرارة الين دحين وصلت -10 .. ودي الدرجة جدا مؤلمة بالنسبة لوحدة كانت ابرد درجة حرارة في حياتها 20 درجة ..هع !!

* امممم الطبيعة هنا مرررررة غير شي مرررة روووعة و كل حاجة خضراء .. "اشتقنا نشوف رمل اصفر" خخخخ .. و اول مرة في حياتي اشوف الفصول الاربعة بأم عيني !! بالنسبة ليا الين دحين .. فصل الخريف كان من أجمل الفصووول .. جدا رائع .. الجو يجنن و الاشجار تصير أخضر و اصفر و احمر و اورنج .. مرة واو ..

* شوارعهم تعتبر نظيفة جدا جدا جدا مقارنة بشوارعنا .. اكيد فيه كم قارورة و كم كيس لكن شيء لايذكر ..

* النظام شي مررررة جيد و كلهم ملتزمين فيه و البوليس متخبين في كل حته ! .. شوارعهم مليااااانة لوحات على الجانبين .. لكن مافي ولااااا لوحة غير مفيدة ..!!

* النت هنا مرررررة مستفيدين منه بشكل حلووو اي شي تبغى تدور عليه ح تلاقيه في النت .. السوبرماركتات المولات دفع الفواتير اللي تبغاهاي شي تدورله راح تلاقيه و راح يفيدك اكيد ..

* امممم بالنسبة ليا كنت متخوفة جدا من حكاية المضايقات و الكلام و ما الى ذلك .. خصوصا اني امشي بحجابي "عباية و طرحة و متلثمة" .. لانه بالذات حكاية الغطا و اللثمة دي مرة شي غريب عندهم .. فكنت شايلة هم .. بس الحمدلله ماشاءالله 6 شهور ماشية بينهم ماقد صارلي موقف سيء ..

* الاكل عانينا في البداية عشان نلاقي اكل زي الناس بس الحمدلله دحين مشيت امورنا و بدأت اعرف مكان الاشياء اللي احتاجها و فين ممكن الاقيها ..

.
.
.

امممم هيا دي النقاط اللي في بالي الان .. ممكن تزيد اذا اتذكرت حاجة .. =)

و اذا فيه اي سؤال .. انا موجودة .. =)

*المزيد من الصور راح تكون موجودة ع الفلكر تبعي

التصنيفات: مجرد فضفضة ..~ |

11 تعليقآتكم

الثلاثاء، 1 يونيو 2010

لماذا ..!؟

7:21 م | كتبتهآ .. ري ري |

تعديل الرسالة

بسم الله الرحمن الرحيم ..

أقف حوالي الربع ساعة.. بانتظار "الخياط الهندي" .. أن ينتهي من حديثه مع المرأة الاخرى ..

لم أحاول ازعاجهم و لم اشعر بالغضب .. لأنها هنا قبلي و لها الحق ان تنهي ماتريده مع الخياط .. ثم يتفرغ لي .. رغم ان ما اريده فقط هو سؤاله عن العباءة هل انتهى منها أم لا ..!!

دخل بعدها رجل من المفترض انه يكبرني عقلا و جسما فقد يكون في الـخامسة و الثلاثين من عمره ..

و لكن على مايبدو فانه ليس كل كبير بالسن هو كبير بالعقل ايضا .. لان هذا الرجل توقف قلييييلا فقط .. ربما اقل من الدقيقة .. ثم اخذ ينادي الخياط .. لكن الخياط يطلب منه قليلا فقط من الانتظار ريثما ينتهي مما بين يديه ..

لكن الرجل لا يملك أدنى ذرة صبر و على مايبدو ولا حتى أخلاق ..!!

فجأة و بدون سابق انذار .. أخذ يصرخ على الرجل بطريقة سيئة و بكلمات أسوأ ..

وددت لو انني استطعت الحديث معه و محاولة اسكاته .. فأذني لم تتحمل ماكان يقوله ولا عيني لم تتحمل مشاهدة رجل كبير ولو كان أجنبيا أن تتم اهانته بهذه الطريقة السيئة .. و لكن خوفي من ان يصلني شيء او ان يحدث مالايحمد عقباه .. جعلني اسكت مرغمة ..

لانني حقا لا استبعد من رجل باخلاقه و كلامه .. ان يضربني او يكيل علي الشتائم انا الاخرى ..!!

...

مازلت الى الان افكر في تصرفه .. و اتسائل .. لماذا ..!؟

هل لأن من أمامه هو رجل أجنبي مسكين .. لاحول له ولاقوة ..!؟

أم لأنه هو أصلا يعاني من مشاكل نفسية .. !؟

عموما الحمدلله الذي عافاني مما ابتلاه به و فضلني على كثير ممن خلق تفضيلا ..

و كان الله في عون من هم حوله .. ولا بلاني بمن هم على شاكلته أبدا .. !
---------------------------------------------

تحديث

حتى أكون منصفة .. لقد نسيت أن أخبركم أن المرأة التي أخذت كثيرا من الوقت مع الخياط ..
و رأتني انتظرتها مطولا .. سألتني .. هل تريدينه لأمر سريع ..!؟ <<--لأنو الظاهر لسه ليلها طوويل .. =P
فأجبتها أنني أريد سؤاله هل انتهى من قطعتي أم لا ..!

فأخبرت الخياط أن ينتهي مني أولا .. شآكرة لها موقفها اللطيف .. =)

التصنيفات: مجرد فضفضة ..~ |

15 تعليقآتكم

الثلاثاء، 9 مارس 2010

Indian food ..~

9:47 ص | كتبتهآ .. ري ري |

تعديل الرسالة

السلآم عليكم و رحمة الله و بركآته ..

عسآكم بخير .. جميعااا .. و أيآمكم سعيدة يارب ..

بما إني بنت .. فأكيد كأي فتاة طبيعية .. لي ميول مطبخية ..

ادخل المطبخ بالمزاجات اخبص شويتين و اطلع ..

المهم انه قبل فترة سويت لأهلي الاعزاء .. طبق هندي .. و عجبهم و تم القضاء عليه بفضل الله و كرمه ..

و تم تجربة الطبق من اشخاص آخرين و عجبهم الحمدلله ..

فقلت يصير انزل الطريقة بمدونتي .. للناسات اللي يحبوا المطابخ و يبدعوا فيها ..

و احلى و اهم شي بالموضوع انه الطريقة سهلة .. و كل الحكاية ارمي المقادير فوق بعض ..

اليكم الصورة و طريقة التحضير ..

المقادير ..

بصل مقطع صغير او كبير زي ماتحبوه ..
دجاج مقطع الى مكعبات متوسطة خالية من العظم ..
مسحوق الكاري .. جاهز بالاسواق ..
بطاطس مكعبات تقريبا بنفس حجم قطع الدجاج مقلية نص استواء ..
كاسة لبن مع ملعقتين كبار زبادي .. مخلوطين مع بعض ..
شوية موية و بهارات طبخ .. فلفل اسود و ملح و كركم و ورق غار ووووو .. يعني بهارات الطبخ اللي في بيتكم انتوا ادرى بيها ..
و فلفل عروق حار .. اذا تحبوا المفلفل ..
زيت للطبخ و فرن عشان نطبخ عليه .. <<<---- ان شاءالله ما اكون نسيت شي ..

الطريقة ..

نحمي كمية من الزيت ع النار .. و لما اقول كمية يعني كمية .. يعني مو زي حقت دايما .. تعرفوا طبخ الهنود حلاته بالزيت الكثير ..

نحط البصل ع الزيت الين يذبل شوية .. نضيف فوقه قطع الدجاج .. و نضيف البهارات و مسحوق الكاري .. و خليكم كريييمييين و انتوا تحطوهم .. لانه الاكل الهندي يعتمد ع البهارات اهم شي الكركم و الكاري ..

و سيبوا الدجاج يستوي شويتين .. و اضيفوا البطاطس اللي مقلية شابقا .. و سيبوها شوية تكمل استواء .. و تقدروا هنا تذوقوا .. اذا محتاج بهارات زيادة لاتقصروا ..

و نضيفلهم آخر شي كاسة اللبن و الزبادي .. و نسيبهم شويتين ع النار .. اذا حسيتوا لسه شوية ممكن تضيفوا شووية موية .. و بعدين نطفي النار ..

كدااا نكوون عوآفي عليكم جهزنا الطبخة ..

بالنسبة للتوابع اللي قدمتها معاها .. كانت عبارة عن سلطة الخيار بالزبادي .. و كفتة البطاطس ..

كلهم بسيطين ..

السلطة عبارة عن .. خيار مقطع شرائح رفيعة و فوقها علبة زبادي كبيرة .. و شوية ملح و كمون و زعتر اذا بدكم ..

الكفتة عبارة عن .. ع الزيت نحمس شوية جزر و بازلاء و بصل .. مقطعين صغار .. لما تقريبا يستووا ..
نكون مجهزين بطاطس مسلوقة و مهروسة .. نضيف فوقها الجزر و اخوانه اللي حمسناهم .. و بعدين نشكلهم بشكل دواوير "كور" صغار .. و نغطيهم بالبيض و بقسماط و بيض مرة ثانية و اقليهم في الزيت ..

تقدم الوجبة مع الارز الابيض .. و عوآآآآآفي مقدما ..