يا روحي و قلبي و ضحكة زماني .. يا فرحة أيامي و بسمة سنيني..

ما أنسى جميلك يا بعد كل فاني.. بيدك رعيتيني و أخذتي بيديني..

حققتي أحلام و أحلى الأماني.. وأنا أوعدك يمه يا نور عيني..

ما أنسى جميلك عطفك اللي خذاني.. ما أنسى يدينك بالغلا تحتويني..

أوعدك ما ابعد عنك مهما دهاني.. بُعدي محال وقلبك يدق فيني..

أكون أنا وياك كل الثواني.. كفك تزيح همومي اللي تجيني..

في ذمتي أحتار مدحك لساني.. و أعجز عن التعبير بس أعذريني..

شكري و تقديري و كل امتناني.. تستاهله أمي على كل حيني..