بعد شــغــل لمـدة 11 ســآعــة مــتـــوآصـــلـــة ....

اتمنى انه تستفيدوآ من الموضوع و يستآهل التعب اللي تعبته .. لو تخرجوآ منه بابتسآمة انا رآضية .. !




طيب حآبة اقـــول لكل حــبــآيــبــي .. بمنآسبة {يــوم الحب} <<--- لآحظوا الاستهبآل بس غيرت اسمه عشآن يصير حلآل .. !!

عيد الحب : دعوة الى إشغآل القلب بأمور تآفهة ..
وعشق محرم .. و غرآم لآخير فيه ..
بدعة في الاسلآم و قدح في الشريعة كآملة .. لآ أسآس له في الملة ..!!
فلآ يجوز الاحتفآل به .. ولآ إحدآث شيء من شعآئر العيد فيه ..
سوآء كآن في المآكل او المشآرب او الملآبس او التهآدي

شوفوآ اخوآتي و اخوآني ..

مآرآح اتكلم عن عيد الحب من ناحية انه حرآم و زي كدآ <<--- بس اكيد رآح اتطرق للشي دآ ..

لكن همي دحين و كتآبتي للموضوع .. هو من منطلق اني ابغى اوصل فكرة لكل مسلمة و مسلم ..

رآح ابدأ موضوعي من منطلق {الـحــب} و الفخر و الاعتزآز بــ دين السلآم .. دين الــحــب .. ديننآ الدين الاسلآمي ..

ترا احنا المسلمين مو محتاجين اعياد حب عشان نتذكر حبآيبنآ و امهآتنآ و اهلنآ بهدية ..

احنا ايامنا كلها و حياتنا كلها تقوم على الحب ..

يعني لآتخلي وآحد جآهل يجيك و يقولك ليش انتوا المسلمين جآفين ومآعندكم حب و حركآت ..

ويضحك عليك بكلمتين .. وتصدق انه الحب و الرومنسية كلهآ عندهم ..!!

ترآ اســآس ديننآ الاسلآمي هو الحب .. !!

والله ديننآ الحمدلله يــآرب كله حب و احضآن و رومنسية ..

لكن للاسف العرب هم اللي جآفيين .. و مآيعرفوآ يطبقوآ الدين صح ..

بدأت دعوة الرسول صلى الله عليه وسلم بحضن جبريل عليه السلآم له ..

ومآت الرسول صلى الله عليه و سلم .. في حضن زوجته و حبيبته عآئشة رضي الله عنهآ ..

ومآ اعتقد انه فيه احد مننآ تخفى عليه حكآيآت حب الرسول صلى الله عليه وسلم لعآئشة رضي الله عنهآ .. !!

انتوآ عآرفين ايش اكبر دليل على انه الاسلام اساسه الحب ..

انه الــلـــه عز و جل في علآه .. يــحـــب .. !!

واعتقد كلكم تعرفوآ الحديث اللي يقول فيه الرسول صلى الله عليه وسلم .. "إن الله إذا أحب عبدا دعا جبريل فقال إني أحب فلانا فأحبه قال فيحبه جبريل .. ثم ينادي في السماء فيقول إن الله يحب فلانا فأحبوه .. فيحبه أهل السماء .. قال ثم يوضع له القبول في الأرض ..........."الحديث

شفتوآ كيف ديننآ دين حب ..!!

احنــآ اصلآ ليش لمآ الله سبحآنه و تعآلى يأمرنآ بأمر ..

نقول سمعآ و طآعة ربنآ .. ؟!

عشآننآ .. نحـبـه الرحمن الرحيم خآلقنآ و ملكنآ ..

هدفنآ في الدنيآ دي اننآ نكسب رضآه و محبته و جنته عز و جل ..!!

و احنآ لمآ تطآول الكفآر على الرسول صلى الله عليه و سلم و غلطوآ بحقه ..

ليش الدنيآ كلهآ قآمت و قعدت و دفآع و لآفتآت و تعريف بالرسول صلى الله عليه وسلم ..

عشآننآ نـحــبـه صلى الله عليه و سلم ..

حآمل الرسآلة و مبلغهآ .. و نآقل الأمة من الجهل و الحرب و الجفآء .. للنور و السلآم و الحب ..!!

لآبـل جعل الله عز و جل للمتحآبين في جلآله جــزآءاً عــظــيــمــآ ..

قال رسول الله صلى الله عليه و سلم : "إنّ الله تعالى يقول يوم القيامة : أين المتحابون بجلالي ؟ اليوم أظلّهم في ظلّي يوم لا ظلّ إلاّ ظلّي"

طيب خليني احكيكم عن قصة بكل بسآطة توضح حب الرسول صلى الله عليه وسلم لعآئشة رضي الله عنهآ أمـآم الملأ أجمع ..

عن عمرو بن العاص أنه أتى النبي صلى الله عليه وسلم فقال : أي الناس أحب إليك يا رسول الله ؟
قال : عائشة .
قال : من الرجال ؟
قال : أبوها .
قال : ثم من ؟
قال : ( عمر )

وهو حديث مشهور وصريح في حب النبي صلى الله عليه وسلم لعائشة رضي الله عنها , وكان يصرح بذلك أمام أصحابه .!


شآيفين كيف .. بكل بسآطة أحب شخص لقلبه صلى الله عليه وسلم .. عآئشة .. رضي الله عنهآ ..!!

بلآ روميو بلآ جولييت بلآ ليلى و مجنونهآ .. !!

تعلموآ الحب من الرسول صلى الله عليه وسلم ..

بالله تخيلوآ .. لو رجآل بزمننآ دآ يقول قدآم اصحآبه .. أحب زوجتي فلآنة ..!!

انا عن نفسي اتخيل رآح يصير وآحد من اثنين لآثآلث لهمآ ..

1- الرجـآل رآح يفلتوهآ ضحك عليه و تريقة و اوخص يآشيخ يآحركآت انت و زي كدآ و يخلوه يتوب يجيب سيرتهآ قدآمهم ..!!
<<--- مآش رجآلنآ يخلوآ الوآحد يكره الرومنسية خخخخخ

2- وآحد رآح يصكه عين هو و زوجته .. ورآح فيهآ مسكين الرجآل ..

<<--- عسى ربي يجآزي ويحآسب النآس اللي تحسد و تعين متعمدة .. اعوذبالله ..

وكمآن خلوني اقولكم على حكآية اجمل بيت غـزل اسلآمي قيل على الاطــلآق ..!!!

بس قبل رآح اديكم بيت قآله مجنون ليلى قيس .. وانتوآ شوفوآ الفرق طبعا للاسف قيس ماتزوج ليلى .. ودي طبعا آخرت حركآت الحب قبل الزوآج ..

وقآلك لآزم افهمهآ و تفهمني عشان لايصير مشآكل بعد الزوآج .. !!

ربنآ اللي ادرى فينآ مآ امرنآ اننا نحب قبل الزوآج .. نخطب و تشوفهآ اذا ارتحت ربي راح يكملك على خير ان شاءالله ..

اما تحبها و تحبني واكلمهآ و تكلمني .. عشآن نفهم بعض اكثر .. خيـر يـآهـو .. !!

وانت الصآدق راح تمل منهآ و تمل منك بعد الزوآج .. خخخخ .. دآ اذا مآكملتوآ حيآتكم وانتوآ شآكيين ببعض و العيآذبالله ..!!

الموهيم .. يآحبني للخروج عن النص .. خخخخخخ

يقول قيس مجنون ليلى في احد ابيآته ..

أحبها وتحبني و يحب ناقتها بعيري ..!!

<<-- يآعيني يآليل .. خخخخ

اما علي بن ابي طآلب رضي الله عنه لمآ دخل على زوجته فآطمة رضي الله عنهآ و معهآ السوآك ..

فقآل أجمل بيتين غـزل سمعه العـآلـم ..

حظيت يآعود الأرآك بثغرهآ ... أمآ خفت يآعود الأرآك أرآك

لو كآن غيرك يآسوآك قتلته ... مآفآز مني يآسوآك سوآك

<<<--- وهـ بس وقسم أخقق مع البيتين دي .. يآويل حآلي ع الرومنسية الاسلآمية مدري وين ضيعوهآ شبآبنآ .. !!

بالله لو الرجآل كل مرة يدخل على زوجته و يقولهآ كلمتين حلوين زي كدآ.. تتوقعوآ ايش رآح تكون ردة فعلهآ ..!!

الموهيم يآجمآعة الخير .. <<-- يآكثر موهيمآتك .. هع هع

خلوآ عنكم الخرآبيط ..

بلآ عيد حب بلآ يوم حب ..

واشتروآ الجنة و لآتبيعوآ نفسكم للنــآر .. !!


وأخــيـــرآ دي مجموعة موآضيع جمعتهآ ليكم للاستفآدة و الاستزآدة ..

عملتلكم من كل موضوع ملف بوربوينت و ملف وورد بسييييط للقرآءة فقط .. <<--- حآبة الجميع يوصله الخير ان شاءالله ..^^

اعذروني للتنسيق و الشغل السريع سريع دآ ..

بس لأنه معروف عني اجي بالوقت بدل الضآيع .. و الموضوع كآتبته و مجهزته بالوقت بدل الضآيع و ابغى انشره في الوقت المحدد .. ^^

الموآضيع بالملفات عبآرة عن ..

الحب في الاسلام

قصة عيد الحب

فتآوى عيد الحب

أجمل قصص الحب

جمعتهآ ليكم بملفآت مضغوطة .. ودي روآبط التحميل ..

طبعآ كلهآ كلك يمين و حفظ الهدف باسم - Save target as

عرض البوربوينت .. وطبعا البوربوينت عرض وآحد فيه كل الموآضيع .. <<-- حملوه ترآني تعبآنه عليه .. خخخخخ

عــيـــد الحب - بوربوينت

ملفآت الوورد ..

عــيـــد الحب - وورد

وهنآ خليط من الملفآت السآبقة كلهآ مع بعض .. ^^

عـــيــــد الحب - وورد و بوينت

قبل مآ أخـتــم .. دعــوآت انصحكم بتكرآرهآ صبآحآ و مسآءاً

اللهم اكفني بحلآلك عن حرآمك و اغنني بفضلك عمن سوآك

ربنآ هب لنآ من أزوآجنآ و ذريآتنآ قرة أعين و اجعلنآ للمتقين إمآمآ

يآمقلب القلوب و الأبصآر ثبت قلبي على دينك



وأخيرا ان شآءالله مآ اكون ثقلت عليكم .. واعذروني على اسلوبي بالكتآبة شويآ عربي فصحى و شويآ عآمّي .. و ع الفصلآت اللي بالموضوع و الخروج عن النص ..


ورآح اكــون سعيدة لو نقلتوآ الموضوع و نشرتووه .. بلكن اذا مآ افـآدك رآح يفيد غيرك .. ولكم الأجــر باذن الله ..

بس رجــآء اكتبوآ بالنهآية ..
دعـــوآتكم لكـآتـبـة الموضوع
الله يسعدهآ و يعوضهآ و يرزقهآ الخير وين مآكآن ..


أختكم

ري ري