Follow Me ~
About Me ~
- ري ري
- جدة, Saudi Arabia
- ابنة.. زوجة.. و أم.. خريجة جامعة الملك عبدالعزيز تخصص غذاء و تغذية.. أحب عائلتي الصغيرة و أحب التدوين و الرسم و التصوير و الطبخ و الاكل و كل حاجة حلوة في الحياة .. =)
الجمعة، 21 أغسطس 2009
كل رمضان و انتم الى الله اقرب ..~!
5:54 م | كتبتهآ ..
ري ري |
كـــل عــــآم و انتوا بخير و صحة و سلآمة و سـعـــــآدة يـــــآرب .. 
يالله وربي مو مصدقة انه الليلة اول ليلة في رمضان .. لسه فـاكرة اول يوم في رمضان السنة اللي فاتت كأنه أمس ..!!
الحمدلله ربي بلغنا رمضان بصحة و عافية ..
مع انه رمضان السنة دي افتقد لأغلى و أجمل ما بالوجود .. ماما .. حبيبتي ..
مو عارفة كيف راح يكون رمضان من دونك .. اتعودت كل رمضان اسلم عليكي باول ليلة و تكوني اول وحدة اباركلها فيه ..
و اليوم يــآ .. جنتي .. سلآمي و قبلاتي اليكي .. طالبة رضــــآكِ و بـــرّكِ .. حتى وان كانت الارض تفصل بيننــآ ..
~!!
يالله وربي مو مصدقة انه الليلة اول ليلة في رمضان .. لسه فـاكرة اول يوم في رمضان السنة اللي فاتت كأنه أمس ..!!
الحمدلله ربي بلغنا رمضان بصحة و عافية ..
مع انه رمضان السنة دي افتقد لأغلى و أجمل ما بالوجود .. ماما .. حبيبتي ..
مو عارفة كيف راح يكون رمضان من دونك .. اتعودت كل رمضان اسلم عليكي باول ليلة و تكوني اول وحدة اباركلها فيه ..
و اليوم يــآ .. جنتي .. سلآمي و قبلاتي اليكي .. طالبة رضــــآكِ و بـــرّكِ .. حتى وان كانت الارض تفصل بيننــآ ..
~!!
.. اوكي خلوا عنكم الفلم الهندي حقتي
.. و سيبونا نتكلم في شهر الخير رمضان ..طبعا باقتراب رمضان يعني الكل راح يبدأ استعداداته
وأولنا هيه القنوات الفضائية
وكل قناة تتفنن وتبدع في أخراج مسلسلاتها والدعاية لها
والاشطر هو اللي يكسب ذنوب أكثر ويجمع الناس لمتابعة مسلسلاته أكثر
وفي كل قناة راح تلاقي 20 مسلسل لرمضان يقابلها برنامج او برنامجين من البرامج الدينية
المشكلة الكبيرة واللي تقهر انه الناس تجري ورا دي المسلسلات
ويجلسوا في رمضان قدام التلفزيون ويتابعوا مسلسل ورا مسلسل وكل مسلسل يجر وراه مسلسل
ويللا خلص رمضان وماحسينا بيه
ليه لأنه خليناه يعدي زيه زيي آي شهر ثاني نجري فيه ورا المسلسلات وخرابيط التلفزيونات
والمشكلة اللي تقهرني بزيادة وترفع ضغطي انه كل المسلسلات اللي بيعرضوها في رمضان
على طوووول على طوووول والله بيعيدوها بعد رمضان .. !!
طيب ياجماعة الخير ليش ماتخلوا متابعة المسلسلات دي بعد رمضان ؟؟
والله المسلسلات دي راح يعيدوها لكم بعد رمضان عشرين الف مليون مرة ..
سيبهااا .. و خلي رمضانك يعدي صح ..!!
ولا تخلي القنوات دي تخرب عليك اطهر وأفضل شهر في السنة
ايش يدريك يمكن دا آخر رمضان تعيشه
الله يطول عمر الجميع بصحة وسعادة يارب
عيش جو الشهر وابعد عن التلفزيون وقرب من ربك
اقرأ القرآن واختمه في رمضان مرة ومرتين و10 مرات
هو اللي ح يجي يوم القيامة بإذن الله يشفعلك عند ربك
مش المسلسلات اللي بتجري وراها كل يوم ..!!
كل يوم أتجمع أنت واهلك وامسكوا اي كتيب صغير
وابدؤوا كل واحد يقرأ منه صفحة او موضوع
وتناقشوا بينكم
او اعملولكم حلقة تحفيظ صغيرة بالبيت انت و اهلك .. كل يوم احفظوا وجه و حددولكم وقت تتجمعوا فيه و تسمعوا لبعض ..!
أتجمعوا ع الخير ولا تتجمعوا بس ع السفرة وقدام التلفزيونات
اشتري اي كتيبات صغيرة ووزعها ع الناس بالمساجد
وشوف الدعوات الحلوة اللي ح تجيك
لا تنسى تسأل اهلك يمكن احد يبغى يساعدك بشي ويكسب الأجر معاك
ولا تنسى مشاريع إفطار صائم كثيرة
وممكن أنت بنفسك تروح تشتري كم وجبة من آي مكان وتوزعها على آي احد محتاجها
والمحتاجين كثيرين الله يرزقهم ويستر عليهم يارب
بالمسجد عندنا دايما يتجمعوا ناس مساكين و احنا نرسلهم فطور .. والله مررة شي يفرح لما تحس انك سويت شي كويس في رمضان ..
حتى لو كان الشي دا بسيييييط و تافه .. ان شاءالله لو كل يوم تنزل بريال و تديه اي مسكين ..
أشياء كثيرة حلوة تقدر تسويها وتكسب من وراها حسنات باذن الله ..
سواء سويتها لوحدك او مع اهلك او حتى مع أصحابك ..
لا تنسى الحديث القدسي .."كل عمل ابن آدم له إلا الصوم فإنه لي و أنا أجزي به" رواه البخاري ..
يعني ربك اللي تحبه راح يجازيك بصيااامك .. معقووولة تحبه و مو قادر ع الاقل في الشهر دا انك تقدم شي كويس .. معقولة تحبه و منت قادر تسيب الاشياء البطالة .. ؟
شهر .. بسس شهر واحد خليه لك لوحدك .. خليه بينك وبين ربك .. لا تخلي شياطين الانس تخرب علييك ..!!
بس أهم شي شد الهمة وقوي العزيمة
واخلص نيتك لله
وبإذن الله ماراح يخلص رمضان إلا وأنت مبسووووط
وصار ليك هدف ومعنى في الحياة
استغل رمضان عشان تغير من نفسك
وتبدأ حياة جديدة صح ..
و رجااااء رجااااء اتمنى من كل قلبي لا تــكــونـــوا من الناس اللي رمضــانهــا صـــبـــاحي ..!!!!
يعني لا تكونوا من الناس اللي بالصباح و هيا صايمة تمسك نفسها عن البطال و تسوي كل حاجة حلوة و تقرأ قران و تتصدق وماتسمع اغاني ..
و بس يفطروا ينسوا كل شي .. و يبدأ الجنان و يللا شغل الميوزيك و تابع التلفزيون و سوي كل اللي تبغى تسويه بسرعة قبل مايطلع الفجر و تصوم تاني ..!!
حـــاول انه يكون رمضانك المرة دي مو بس صيام .. حاول تخليه شهر يساعدك انك تتغير للاحسن باذن الله ..
حاول في دا الشهر تبطل من كل حاجة وحشة كنت بتعملها .. تبطل ميوزيك .. تبطل دخان .. تبطل ترقيم .. تبطل حاجات وحشة بالنت .. تبطل شات .. تبطل كلام وحش .. تبطل تأخير عن الصلاة ......
و بنفس الوقت حاول تداوم على اشياء حلوة و تنفعك في دنياك وآخرتك .. تسمع قرآن .. ترطب لسانك بذكر الله و الصلاة ع الرسول .. تحافظ على قراءة القران لو وجه واحد باليوم .. تحافظ على الفروض في وقتها .. تحافظ ع الدعاء كل ليلة .. تحافظ ع الوتر .. تحافظ ع السنن .. تحفظ اذكار الصباح و المساء .. تداوم ع الصدقة ......
يعني الشهر دا خليه يساعدك انك تصير انسان احسن .. انسان مليان خير و يحب الخير و يكره كل شي بطال و يحاول يبعد عنه ..
مو لازم تعمل الاشياء دي كلهااا .. والله لو خلص رمضان و انت محافظ على حاجة وحدة حلوة و سايب حاجة وحشة .. صدقني نعمة عظييييمة .. و تأكد انه ربنا يحبك باذن الله و قدرت تخرج من رمضان بشي مفيد ..
بصراحة الكلام كثير وما يخلص
بس هو دا اللي جاء على بالي دحين
وقلت وذكر فان الذكرى تنفع المؤمنين
قبل ما اخلص .. فلاش رمضاني بسيط عملته .. اسأل الله انه ينفع بيه أي أحد ..
جزاكم ربي كل خير ع الوقت اللي اعطيتوني هو
وبميزان حسناتكم جميعا يارب ..
ولا أمانع من نشر الموضوع يمكن يفيد احد و نكسب الاجر سوا باذن الله ..
* الموضوع من الارشيف يعني قديم شوية بس عدلت عليه و اضفت :)
التصنيفات:
الاشتراك في:
تعليقات الرسالة (Atom)
4 تعليقآتكم:
كل عام وانتي بخير
وينعاد عليك
وانت بصحة و سعآدة ياارب ..
ينعاد ع الجميع بالخير ان شاءالله .. :)
رااااااااااائع و مؤثر التصميم..!!
الله لا يرحمك الاجر..
وتم الاشتراك في اخر اخبار المدونة عن طريق الـ RSS :)
ياهلا اخويه ..
الله لا يحرمنا اجمعين يارب ..
تسلم والله ع المتابعة و التشجيع .. =)
إرسال تعليق
(مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد)
اسعد كثير بارآئكم و تعلقيآتكم .. فـ بـهآ نرتقي .. ^^
* و تراني ديموغرآطية :P اتقبل و اتفهم اختلاف الاراء بيننا .. :$