Follow Me ~
About Me ~
- ري ري
- جدة, Saudi Arabia
- ابنة.. زوجة.. و أم.. خريجة جامعة الملك عبدالعزيز تخصص غذاء و تغذية.. أحب عائلتي الصغيرة و أحب التدوين و الرسم و التصوير و الطبخ و الاكل و كل حاجة حلوة في الحياة .. =)
الأحد، 5 يونيو 2011
لازلت أحاول ..~
7:14 ص | كتبتهآ ..
ري ري |
مرحبا و اهلا و سهلا بكم .. متابعيني و زواري و اصدقائي جميعا .. 
ليا مدة طوووويلة عن مدونتي .. و صراحة ليا مدة طووويلة عن عالم النت عموما ..
مدري بس من لما اتزوجت صرت .. ما ادخل الا اشيك ع الايميل و الفيس و احيانا تويتر و اطلع خلاص .. مع انه احيانا كثيرة يكون عندي من وقت الفراغ ما أُحسد عليه ..!!
يمكن بسبب حياتي الجديدة كليييااا .. اتزوجت و طيران على امريكا ..!! من بعد ما كنت مشغولة بزحمة الجامعة و الصديقات و الاهل و الكسل و الدلع .. صرت مسؤولة عن بيتي .. انتقلت لدولة مختلفة تماااماااا عن دولتي الحبيبة .. ابتعدت عن الناس .. و اصبحت تقريبا منعزلة ...!!
طبعا الشي دا سبب لي اكتئاب كبيييير 
.. حاولت اكون صداقات هنا ولكن بلا فائدة .. كل اللي افكر فيه اهلي و صحباتي و جامعتي ..!!
.. حاولت اكون صداقات هنا ولكن بلا فائدة .. كل اللي افكر فيه اهلي و صحباتي و جامعتي ..!!بس الحمدلله ربي .. مدري والله هيا الايام عدت بسرعة ولا بشويش ..!!
كلهااا أسبوووووع و أكون في وطني الحبيييب باذن الله على خير و سعادة 
.. دعواتكم ..
.. دعواتكم ..المهم نرجع لموضوع النت .. حسيت من مدة اني صايرة اتعامل مع مدونتي برسمية كبيرة .. على الرغم من اني اول ماقررت ابدأ التدوين .. كنت ناوية اكتب كل حاجة في قلبي .. و ما احسب حساب اي شي .. لكن شوية شوية تغير الوضع .. و صرت ما اكتب فيها الا اذا عندي موضوع يستاهل الكتابة .. و شوية شوية صارت المواضيع اقل فاقل ..
و بالتالي قررت انا حضرة سيادتي الموقرة .. اني ارجع لمدونتي كما كنت اعاملها وكما بدأت معها بكل عفوية .. والله يعينكم عليا 
!!
.. اني ارجع لمدونتي كما كنت اعاملها وكما بدأت معها بكل عفوية .. والله يعينكم عليا !!و اول شي راح نزبط علاقاتنا مع المدونات الصديقة ..
طبعا عرفت انو فيه مدونات كنا عاملين تبادل اعلاني .. و تمت ازالة البنر تبعي من مدونتهم بدون مايبلغوني .. يمكن حسبوني اعتزلت التدوين .. هع
و مدونات ضايفة البنر تبعي عندها بدون ماتخبرني و لهم كل الشكر على ذوقهم .. راح اضيفهم بالقائمة ان شاءالله ..
و اللي صايفني عنده و انا مو ضايفته او حذفته بالغلط او يبغى يعمل تبادل اعلاني معايا .. يخبرني بتعليق هنا او عن طريقة وصلة "اتصل بي" .. =)
و لكم جزيل الشكر ايها الرائعون ..
التصنيفات:
مجرد فضفضة ..~
الاشتراك في:
تعليقات الرسالة (Atom)
9 تعليقآتكم:
لا تقولي بأصير زيك كدا ؟ هههههه
وحشتينا يا غالية ، لا تطولي الغيبة :)
ههههههههههههه لا تونا لا تفاولي على نفسك .. =P
ربي ييسر امورك و يسعدك ياعسسل ..
انتوا اكثر يابطة .. =$
الصبر مفتاح الفرج ومن صبر نال الاجرين ولك محاولة اجر ومفيش حاجة هتيجى بساهل لازم نتعب عشان نوصل للى احنا عايزينة ..
ري ري انا احس اني بديت اصير رسميه مع مدونتي مو حلو كذا =(
خصوصا لما يكثرون الزوار تبين تقدمين لهم شي حلو ومفيد
عموما ربنا يوفقك وتجين السعودية بالسلامة ^^
فديتك وفديت أيامك الفله :p
ربنا يوفقك ويحميك يآرب واكيد اكيد تكون حياتك كلها سعاده وراحة بال ..
حبي البنر تبعك مش ظاهر عندي بيطلع لي علامة كروس
ياريت ترسلي لي رابط جديد للبنر ..
بحبك كوميات كوميات
على الانسان المحاولة مرة ومليون مرة حتى يصل لما يريد ويحقق حلمة والصبر مفتاح الفرج مدونة رائعة بارك الله فيك واتمنى لك مزيد من النجاح ...
الصبر مفتاح الفرج مدونة رائعة وجميلة بارك الله فيك وشارك الله فيك بالتوفيق باذن الله ....
شكرا لك المدونة رائعة والمقا جميلة والموضوع رائع جدا ....
مشاء الله المدونة ممتازة وعلى الانسان التعلم من الاخطاء الموضوع رائع جدا شكرا لك وبارك الله فيك ...
إرسال تعليق
(مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد)
اسعد كثير بارآئكم و تعلقيآتكم .. فـ بـهآ نرتقي .. ^^
* و تراني ديموغرآطية :P اتقبل و اتفهم اختلاف الاراء بيننا .. :$