Follow Me ~
About Me ~
- ري ري
- جدة, Saudi Arabia
- ابنة.. زوجة.. و أم.. خريجة جامعة الملك عبدالعزيز تخصص غذاء و تغذية.. أحب عائلتي الصغيرة و أحب التدوين و الرسم و التصوير و الطبخ و الاكل و كل حاجة حلوة في الحياة .. =)
الاثنين، 26 ديسمبر 2011
كباب لحم + شيش طاووق ..~
7:26 ص | كتبتهآ ..
ري ري |
مرحبااا جميعا .. كيفكم ان شاءالله بخير و صحة و سعادة يارب ..
من زماااان عن المواضيع الجديدة .. و اليومين دي ماعندي صراحة اي افكار او مواضيع او انشطة معينة ..
و بما اني جالسة لا شغل ولا مشغلة .. فصرت بس اطبخ و أصور .. و بالمرة اجدد نشاط مدونتي حتى لو بموضوع مطبخي..
الموهيم قبل فترة انا و زوجي وحشتنا المشاوي و جو الشوي و هيك فقررت نسوي مشوياتنا بطريقتنا الخاصة في الفرن ..
و أبشركم النتيجة طلعت يمممممي
طبعا اعذروني ماصورت الخطوات لانه الموضوع مو محتاج خطوات اصلا هيا كلها خبيص × خبيص
و قبل ما نبدأ .. دي صورة لوجبتنا اللزيزة ..
راح تلاحظوا اشكال كثيرة بالصورة .. اول مرة جربنا نشوي كباب لحم + شييش طاووق + سمك + روبيان
<<<---- أدري وش نحس فيه ههههههههههه
بس للامانة السمك و الروبيان كانوا مش ولابد .. فقررنا استبعادهم من القائمة ..وادمنا الباقي
يللا خلاص طولت عليكم نبدأ بالطريقة ..
يفضل انك تبدأي في الدجاج قبل اللحم لأنه لاحظت ان الدجاج ياخذ وقت اطول من اللحم عشان يستوي ..
شغلت فرن الكهرباء من تحت فقط على درجة حرارة 380-400 فهرنهايت قبل ما ابدأ الشغل عشان يسخن مزبووط ..
و كنت افكر اني ارص اعواد الشوي على اطراف صينية .. بس زوجي اخترع شي عجيب زي ما انتوا شايفين في الصورة السابقة ..
جاب اعمدة نحيفة (اعمدة اباجورة عندنا ) و لفها بكمية كبيرة قصدير .. و رصينا عليها اعواد الشوي .. و الشبك اللي تحت فرشناه قصدير عشان لا يتوسخ الفرن من تحت ..
بالنسبة للدجاج عشان يستوي أخذ تقريبا ساعة الا ربع الى ساعة .. و اللحم اخذ من 20 دقيقة الى نص ساعة .. انتي تقدري تاخذي قطعة و تشوفي اذا استوت او لسه ..
لشيش الطاووق نحتاج لـ :
- صدور دجاج مقطعة مربعات
- بصل مفروم
- زبادي
- ملعقة صلصة
- ملح + فلفل اسود + بهارات مشكلة + ليمون
و بس خلاص تخلطوا الاشياء دي كلها مع بعض ..
و رصيها في عود الشوي و بين كل قطعة و قطعة اضيفي شريحة بصل و شريحة فلفل رومي أحمر .. و استمتعي بالنكهة اللزييييزة ..
أول مرة شويت ما اضفت ملعقة الصلصة فطلع الدجاج ابيض (كما في الصورة السابقة خخخ) و يفتقد لبعض الالوان الحيوية
بس مع ملعقة الصلصة كان لون الدجاجات لزيز و يفتح النفس ..
كباب اللحم راح نحتاج لـ :
- لحم مفروم
- بصل مفروم
- بقدونس مفروم
- ملح + فلفل أسود + بهارات مشكلة + ليمون
- بقسماط + قليل من الدقيق
طبعا و كما تلاحظون ماعندي مقادير معينة كلها بالكمية اللي تشوفيها مناسبة و كافية بس اهم شي لا تقللي ملح و بهارات و يطلع الاكل ساهي و بدون نكهة ولا تكثري زيادة عن اللزوم و تخربي الدنيا .. انا عن نفسي احطها بالريحة هع يعني احس انه ريحة اللحمة او الدجاج صارت مبهرة ..!!
المهم راح تلخبطوا الاشياء اللي فوق كلهااا مع بعض مزبووط .. و تبدأوا تشكلوها حولين عود الشوي ..
ملاحظة: في البداية واجهت صعوبة و انا احاول اشكلها بس مع المحاولة زبطت .. لازم اللحمة تكون بااااردة نوعا ما عشان تتماسك معاكي و اذا ماكانت باردة عادي بعد ماتخلطي الاشياء مع بعض رجعيها للفريزر شويتين او الثلاجة الين تبرد و ابدأي شكليها .. و طبعا حاولي خليهم قد بعض و نحاف بس مو مرة نحيفة عشان ماتنشف وعشان تسهل المهمة و تستوي تمام .. و استمتعي ..
قديمها مع الخبز أو الارز و سلطة خضراء او سلطة طحينة .. وكاسة سفن اب
ولا تنسوا تسموا بالله قبل الاكل و بالعاااافية ..
و اذا زاد شي لا تشيلي هم احفظيه بالثلاجة و ثاني يوم كليها ساندوتشات مع جبن موزاريلا و خيار و طماطم و خس .. يمممي اكتشفت انه طعم الفلفل الرومي المشوي في الساندوتش يطلع يممي
و خلاااص انطلقوووا ..
التصنيفات:
الاشتراك في:
تعليقات الرسالة (Atom)
15 تعليقآتكم:
سبحان الله لسه أمس متعشين مشاوي وزوجي سألني تقدري تسوي زي كدا؟ قلتلو إن شاء الله أحاول، واليوم أشوف تدوينتك دي .. وه بث ، حبيتك يختي طمنتيني إنو ممكن + سهل الطريقة :)
صحتين وعافيه
مش تخبيص بالعكس حلوه التجربه :)
تحياتي
قطوفه :)
صورة الشيش تاخد العقل
ماشاء الله تبارك الله حاجه لزيزه
تسلم الايادي ربي يحرمها على النار
الله يسعدكِ ويوفقك في الدنيا والاخره .. أميين
(♥)
الللله اشتهييييته :$
بالعافيه على قلوبكم بس اعزمينا :p
جوعتينى و الله .. ايه الاكل الحلو دا
موضوع رائع و مدونة جميلة جدا .. بارك الله فيك
حرام عليكيييييييييييي
اللهم إني صائم
أنا ريقي جري من الصورة بس، فما بالك بالوصف
شكراً على الطريقة الرائعة
جاري تجربتها بعد الإفطار إن شاء الله :)
الله يسعدكم جميعا و يعافيكم ربي ..
اسعدتوني بتعليقاتكم اللطيفة ..
كلكم ذووووق والله ..
سعيدة و شاكرة لكم المرور الرقيق .. =)
أنا ريقي جري من الوصف بس، فما بالك بالحقيقة
انا في انتظار دعوة على الغدا
كده انا جوعت
بصراحة الواحد نادر قوى لما يلاقى مدونة او موقع يستفيد مهم بشكل كبير
اشكرك على اسلوبك وطريقتك فى الكتابة ، وكمان مدونتك ذوقها جميل جدا
وتتمتع بالسهولة والبساطة فى التصفح وبها مجموعة من المواضيع الرائعة والمفيدة
حرام عليكي
الأكل شكله حلووووووووووووووو ولذييييييييييذ
وانا جعااااااااااان
جزاكم الله خيرًا على المواضيع الشهية
ولكن هذا سيحمل زوجتي الكثير
لأني سأحضرها الآن لرؤية هذه الأصناف الشهية
كده انا جوعت
عايزين ناكل " فتة ولحمة ورز " ههههههههه ، حاجة جميلة فعلا
لذيذ مشكورين.
إرسال تعليق
(مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد)
اسعد كثير بارآئكم و تعلقيآتكم .. فـ بـهآ نرتقي .. ^^
* و تراني ديموغرآطية :P اتقبل و اتفهم اختلاف الاراء بيننا .. :$