.

يــــــآمية اهنيييين و سهنيييين .. ومرحبنبكم جميعا ..

<<-- ماشاءالله واضح النفسية متحسنة كثير ..

الحمدلله ربي النفسية كل يوم أحلى من اليوم اللي قبله .. اممم معظم الوقت أنا برا البيت عشان كدا نشاطي الانترنتي تقريبا منقطع ..

مررة متحمسة للعودة للمنزل .. و أحس عندي كثييييير أفكار محتاجة انفذها ..


*أعتذر عن بعض الصور المختفية من مدونتي .. مدري ايشبو موقع الرفع زعنااان (زعلان) مني ..


نرجع للحماس و حركة فتح .. مشكلتي الوحيدة انه أفكـــآري مــتــزآحــمـــــة بشكل رهيييييييييييييب .. يثير الجنون ..

وأخيرا بدأت أفكر في ترتيبها و لملمة البعثرة و الكركبة اللي أنا عايشتها .. !!

و لقيت برنامج مرررة روعة لتنظيم أعمالك .. يعني اذا كنت انسان مررة بزنس و اشغالك زحمة و محتاج سكرتير يذكرك بالمواعيد زي حضرة سيادة سموي الموقرة مثلا ..

فــأنصحكم بتجربة برنامج Doomi من مدونة الاستاذ عبدالله .. !

بس طبعا انا زي ماذكرت في اعلاه .. انسانة جدا بزنس ع الاخر .. ومليانة افكار و ابداعات لاحصر لها .. للافس للافس للافس الشديد ..

معظم أفكاري و ابداعاتي المجنونة ما تجيني الا وانا بعيدة عن جهازي الحبيب ..

تحديدا تحديدا و انا على سريري أبغى أنام .. <<-- يعني كلوو نحاسة من افكاري عشان ما أنام ..

والله بدون مبالغة اني اجلس تقريبا اكتب مواضيع في دماغي من أروع مايكون ..

لكن بس اجي للجهاز عشان اكتبها .. او احاول مجرد محاولة اني اتذكر واحدة من تلك المواضيع او الافكار .. ماااا اقدر .. كووولهااا تختفي من راسي بدون سابق انذار ..

<<--- انتوا ملاحظين اني مضيعة ام اللغة العربية الفصحى و مخربتهاا .. !

المشكلة المشكلة اني ما اعترف بالورقة و القلم .. ما احووبهم انا ايش ذنبي خطي مو حلو ..

بس يبدو اني و كـ حل أخير لأفكاري الليلية دي .. ماراح ينفع معاها الا الورقة و القلم و لمبة سهاري ..

كل مانطت فكرة ليلية براسي دووغري ادحدرها ع الورقة .. و كدا ماراح تضيع مني باذن الله ..


و حـــآسة حــــآسة كدا .. انه نحااسة من افكاري عشاني ح اجهز الورقة و القلم .. ماراح تجيني ولا فكرة اليوم .. خخخخخخخخخ