Follow Me ~

 

About Me ~

صورتي
جدة, Saudi Arabia
ابنة.. زوجة.. و أم.. خريجة جامعة الملك عبدالعزيز تخصص غذاء و تغذية.. أحب عائلتي الصغيرة و أحب التدوين و الرسم و التصوير و الطبخ و الاكل و كل حاجة حلوة في الحياة .. =)

تابعوني من هنا

تابعوني بالبريد الالكتروني

الجمعة، 8 مايو، 2009

اجازة ..~

.



السلآم عليكم ورحمة الله وبركاته

أحبآئي و اعزائي زورا و اصدقاء و محبين .. مدونتي المتواضعة ..

نود أن نحيطكم علما أنني في هذا اليوم الجمعة الموافق 13-5-1430 <<-- اعتقد انه اليوم 13


الموهيم قررت أن أترك عالم التدوين بصفة خاصة و عالم النت بصفة عامة ..


وذلك لأتفرغ لدراستي و دفرتي التي لم استفد منها في حياتي العملية الا في القراءة و الكتابة و الجمع و الطرح ..

يعني راح اخذ اجازة قصيرة باذن الله .. الين اخلص الترم الثقيل دا و اعديه على خير باذن الله ..

دعوآتكم ليا ولكل طالب وطالبة .. الله ينجحنا على خير و بالدرجات اللي ترفع الراس يــــآرب ..

وقبل ما اروح في هرجة تقرقع بقلبي الصغير ابغى اطلعها ..



قولولي مبروووك ..

أمس خالتي تقولي .. جآكي عريس .. .. وراحت تجري تقول لجدتي .. وانا اجري وراها ابغى اعرف الهرجة ..

بس طبعا اشوا قالو لأم العريس .. البنت مخطوبة ..

جدتي دايما تقولي .. يآ ري ري بس سيبيه ايش تبغي فيه اللي هناك .. ؟؟!!

نفسي اقولها .. يآجدتي الله يهديك ويصلحك .. القلب و مايهوى .. ..

ومافي غيره سكن روحي .. حبيبي وانا أحبه .. لو قالوا تمنى .. أتمنى عمري بقربه .. <<-- مو صاحية شطحت البنت (وفي رواية نسيت نفسها وراحت لبعيد)..

بس طبعا اخاف اقولها كدا و ما احس بنفسي الا وانا مغمى عليا بالضربة القاضية .. <<-- ولك يضرب الحب شو بيزل .. <<-- ايش دخل المثل مدري

و تقولي جدتي .. ايش رايك تاخدي واحد من عيال اعمامك احسن ولا ..؟؟!! <<--- تعرف انه الموضوع دا يستفزني ويقهرني ..

اقوولهااا لو على جثتي ما اخذ واحد منهم .. <<-- متعقدة ..



آآهـ يـآ البي 7 شهور .. !! .. سبحانك ربي .. يـــآالله يـــآرب تكووون هــــآنت ..

اجمعنا على خير و سعادة يـــــــــآرب ..


وأخيرا قبل ما أترككم و اتفرغ لدراستي و مشاريعي ودوختي ..

عندي نكتة طريفة لطيفة قميلة .. اتمنى ترسم البسمة على شفاهكم .. تذكروني فيها بالخير ..

لحين عودة سيادتي الموقرة لمدونتي اللطيفة باذن الله .. blushing


يقولكم فيه محشش تزوج .. سألوه .. تزوجت مين .. ؟؟

قالهم .. تزوجت حرمة .. !!

قالوله .. أكيد تزوجت حرمة .. فيه أحد يتزوج رجال ..؟!

قالهم .. ايوة أختي اتزوجت رجال ..!

rolling on the floor طن طرريررينطن طن طن .. اضحكوا حتى لو سخيفة .. rolling on the floor


ويللا استودعكم الله الذي لاتضيع ودائعه



الاثنين، 4 مايو، 2009

وأخيرا..~

.




اضغط على الصورة لفتحها بصفحة مستقلة


ووووووه .. أخيرا ركبت القالب الجديد و عدلت عليه الين طلعت عيوني ..
اضغط على الصورة لفتحها بصفحة مستقلة


يللا ادوني رأيكم فيه ..

وليا عودة باذن الله .. لمزيد من التفاصيل عن القالب و البهذلة اللي صارت .. <<-- واحنا مالنا تدوخينا معاكي ..
اضغط على الصورة لفتحها بصفحة مستقلة



اضغط على الصورة لفتحها بصفحة مستقلة




عـدنـــــآ ..<<--- مدري تتآبعي سبيس تون ولا القناة الاولى ..
اضغط على الصورة لفتحها بصفحة مستقلة
خخخخخخ

سعيدة بمتابعتكم و تعليقاكم جميعا ..
اضغط على الصورة لفتحها بصفحة مستقلة


وسعيدة أكثر لانه القالب نال اعجابكم .. خصوصا انها المرة الاولى بحياتي اللي اصمم فيها قالب و اتعامل فيها مع الـhtml ..
اضغط على الصورة لفتحها بصفحة مستقلة



عموما راح اكلمكم شويا عن القالب ..

استغرق مني تصميمه قرابة الـيوم الكامل مع التعديل و اضافة اللمسات الاخيرة باليوم اللي بعده يعني نقول تقريبا 24 ساعة شغل ..
اضغط على الصورة لفتحها بصفحة مستقلة


وبعدين عشان اركبه هنا و اعدل ع الحجم و المكان و باقي الحوسة و الدوخة .. اخد مني حوالي 6 ساعات .. طلعت فيها عيوني ..
اضغط على الصورة لفتحها بصفحة مستقلة


بس الحمدلله انه التعب طلع في الاخير بنتيجة ..
اضغط على الصورة لفتحها بصفحة مستقلة


انا بس استغرب مصممين القوالب المحترفين ليش مايعملوا شروحات مبسطة عن الـhtml انا دخت عشان الاقي شرح عنها لكن للاسف مالقيت الشي اللي يرضيني و يفهمني تمام ..

بس انا قلت ماعني و عنها قالبي راح اصممه بنفسي و اركبه بنفسي كمان .. و هاتك شويا ترجمة شويا اجرب

<<--- اغلب فهمي للبرامج و الكمبيوتر هو نتيجة تجربتي مو من الدروس .. كثير ناس يخافوا من التجربة .. لاتخافوا اضغطوا وجربوا وانتوا اللي راح تستفيدوا باذن الله ..

ازود كلمة ازود رقم انقص من هنا و هناك الين تقريبا فهمت الشي اللي يمشيني و يساعدني على اني اسوي القالب و اركبه ..

بصراحة هيا الشغلة تدوخ شويتين لكن حسيتها بسيطة لو الواحد فهمها خلاص راح يسلك فيها ..
اضغط على الصورة لفتحها بصفحة مستقلة



بالنسبة للقالب تبعي .. انا لقيت قالب حسيته رايق و حلو .. قلت يابت امسكيه و عدلي عليه بمزآآآجك ..

القالب اللي لقيته و عدلت عليه هو دا ..


وطلعت النتيجة قالبي الجديد اللي هو دا ..


طبعا القالب ابدا مو احترافي .. قمة في البساطة وفيه الكثير من الاخطاء اللي محتاجة تعديل ..

بس زي ماقلتلكم لاني ما اعرف شي بالـ html .. فكانت دي اقصى نتيجة ممكن اوصلها في الوقت الحالي ..

<<--- يعني ناوية اطور نفسي باذن الله ..
اضغط على الصورة لفتحها بصفحة مستقلة

نفسي دحين اتعلم كيف اقسم السايدبار .. يعني مثلا اقسام المدونة تكون في فريم لوحدها و ملفي في فريم لوحده و المدونات الصديقة في فريم لوحدها و يز كدا ..

وببسآآآآآآآطة كدا القالب تراه مكون من 4 صور فقط .. !!

اللي هيا الهيدر و البودي و الفوتر و الباك جراوند .. ودا احلى شي في الموضوع بسآآآطته ..
اضغط على الصورة لفتحها بصفحة مستقلة



وكدا الحمدلله ربي انتهيت من تصميم و تركيب اول قالب ليا ..

وعلى فكرة اللي يستخدم متصفح الاكسبلورر ماراح يقدر يشوف التصميم و المدونة تمام ..

وعشان تقدروا تشوفوها صح .. انصحكم استخدموا متصفح الفايرفوكس ..

<<--- يآزمن صرت انصح الناس بالفايرفوكس ..
اضغط على الصورة لفتحها بصفحة مستقلة



وطبعا المدونة لسه في قيد التطوير و التعديل و الاضافة .. بس ان شاءالله اخلص دراستي و تبدأ الاجازة و افضالها تمام و اشتغل عليها باذن الله .. سواء بالشكل او المضمون ..
اضغط على الصورة لفتحها بصفحة مستقلة




.
السبت، 2 مايو، 2009

قريب ان شاءالله نيو لوك للمدونة..~

بسم الله الرحمن الرحيم
السلآم عليكم ورحمة الله وبركآته

الحمدلله انتهيت من تصميم استايل خاص بمدونتي .. arrow

ماشاءالله تبارك الله مررة مبسوطة من نفسي ..

باذن الله ليا عودة لتركيب الاستايل .. واديكم تفاصيل عنه أكثر ..

وناوية تجديد كآمل للمدونة مع الستايل الجديد باذن الله ..

بس محتآرة ايش اختار اسم جديد معتمد للمدونة .. ولا اسيبها بنفس الاسم .. confused

<<--- يآشيني و انا مترددة .. mrgreen

--------------------------------------------

خلاص خلصت كل شي و كله تمام و مرتب ..

بس باقي التركيب باذن الله ..

ابغى اركبه و خايفة لاتحوس الدنيا .. لأني انا اللي مسوية القالب .. فاتوقع انه اي شي ممكن يصير .. mrgreen

الله يستر بس ..
praying


.
الجمعة، 1 مايو، 2009

ورجعنآ للقلق ..~!

.

يووووه معقولة اسبوع كآمل بدون نت .. !!

لا لا بصرآحة انا استآهل جآئزة .. tongue

بصرآحة اسبوع الاجآزة دآ .. يآربي لك الحمد مرررررة انبسطت فيه وغيرت جو ..

من زمـــآن ما انبسطت بالاجازة كدا .. love

صحيح هو و اسبوع وخلص .. بس كان من احلى و اطول و اسرع الاسابيع ..

الله يجيب الاجآزة الكبيرة على خير و سعآدة يآرب ..

وتكون أحلى و أحلى من دي الاجازة اللي راحت .. praying


love

دحين الله يعيننا نبدأ الدفرة و الدراسة و القلق الاختبارات ..

دا غير البحوث و المشاريع اللي لازم نخلصها .. crying

اللهم لاسهل الا ماجعلته سهلا وانت تجعل الحزن اذا شئت سهلا ..


love

اللهم اشفيه و اشفي كل مريض و احفظه اللهم لاهله واطل في عمره بالصحة و العافية ..

اللهم لاتفجعني فيه ولاتحرمني لقياه يآرب العالمين ..

love

.