Follow Me ~

 

About Me ~

صورتي
جدة, Saudi Arabia
ابنة.. زوجة.. و أم.. خريجة جامعة الملك عبدالعزيز تخصص غذاء و تغذية.. أحب عائلتي الصغيرة و أحب التدوين و الرسم و التصوير و الطبخ و الاكل و كل حاجة حلوة في الحياة .. =)

تابعوني من هنا

Blog Archive

الجمعة، 26 ديسمبر 2008

اللهم ارحمهآ و اجعل قبرهآ روضة من ريآض الجنة ..~



والله ما توصف غلاك المعاني.. يا أمي مكانك في محاجر عيوني..

يا روحي و قلبي و ضحكة زماني .. يا فرحة أيامي و بسمة سنيني..


ما أنسى جميلك يا بعد كل فاني.. بيدك رعيتيني و أخذتي بيديني..


حققتي أحلام و أحلى الأماني.. وأنا أوعدك يمه يا نور عيني..


ما أنسى جميلك عطفك اللي خذاني.. ما أنسى يدينك بالغلا تحتويني..


أوعدك ما ابعد عنك مهما دهاني.. بُعدي محال وقلبك يدق فيني..


أكون أنا وياك كل الثواني.. كفك تزيح همومي اللي تجيني..


في ذمتي أحتار مدحك لساني.. و أعجز عن التعبير بس أعذريني..


شكري و تقديري و كل امتناني.. تستاهله أمي على كل حيني..




وحشتيني يآ أغلى البشر ..~



خطوتي صارت ثقيلة.. تحت زخات المطر..

والدموع بكل ليلة.. تشتكي ظيم وقهر..

كنتي في حضني الخليلة.. أمي هي أغلى بشر..



الاثنين، 22 ديسمبر 2008

جفني اذا أغمضته أبصرت .. أمــي .. فكيف بالله أنــآم .. ؟!


اللهم اهدنا فيمن هديت ..وعافينا فيمن عافيت ..

وتولنا فيمن توليت .. و بارك لنا فيما اعطيت ..

و قنا برحمتك واصرف عنا شر ماقضيت .. انك تقضي بالحق و لايقضى عليك ..

انه لايذل من واليت .. و لايعز من عاديت ..تباركت ربنا و تعاليت ..

نستغفرك اللهم من جميع الذنوب و الخطايا ونتوب اليك ..

اللهم اقسم لنا من خشيتك ماتحول به بيننا و بين معاصيك ..

ومن طاعتك ماتبلغنا به جنتك ..

ومن اليقين ماتهون به علينا مصآئب الدنيا ..

ومتعنا اللهم باسماعنا و ابصارنا و قواتنا ابدا ما ابقيتنا ..

اللـــــــهــــــــم آآمــــــــــــــــــيــــــــــــــــن ..

مستحيل أنسى ..~



مستحيل أنسى اليوم و الطريقة اللي عرفت بيها خبر وفآتك يـآ جنتي ..

كآن أربعآء يعني المفروض ونآسه ..

كنت مبسوطة لأنه كآن المفروض تنزلي من المستشفى اربعاء او خميس ..

كالعآدة رحت لسريري و نمت ..بعد العصر و قبل المغرب بشويا ..

دخلوا عليا 2 من خآلآتي يصحوني انا و اختي ..

وحده منهم <<-- نسخة ماما بشكلها و احيانا بصوتها سبحان الله ..

كانت اليوم وصلت من الشرقيه ..

تقولي .. يللا قومي اهو جيت جدة مرة ثانية زي ماوعدتك المرة اللي فاتت ..

مررررررة فرحت لما شفتها هيا و خالتي الثانية ..

هما لما شافوني صحيت حسيتهم على طول خرجوا من الغرفة و ماجوا يسلموا عليا ووجهم مقلوب ..

حسيت في شي قلبي يعوووووورني ..

قمت امشط شعري .. بعدين كأني اسمع اصوآت بكا بالدور اللي تحت ..

انفجعت و صآر قلبي يدق بقوة و يعوووورني زيــــآدة .. حسيته ح ينزل من مكانه ..

فتحت باب غرفتي .. اذني ماتكذب .. !! فيه اصوات بكا بالدور اللي تحت ..!!

ايشبهم الناس بسم الله .. !!؟؟

لا لا لا مستحيييل .. ماما شفتها قبل أمس كانت بخير الحمدلله .. !!

يمكنها بس تعبت زيــآدة و حزينين عليهــآ .. !!

رجـــــولــــي بدأت تعووورني .. احس اني ح اطيح من طولي ..

جلست اتعوذ من الشيطان ..

ارجع لغرفتي و انا ارتجف .. يــآربي ايشبهم النآس مجآنين ..!!

وتدخل خالتي وعيونها مليآنه دموع ..وتقفل باب غرفتي .. !!!!

لا لا لا الله يخليكي لا تقوليلي اللي ما ابغى اسمعه ..

تقولي خآلتي .. ري ري .. ماما يـآري ري .. الله يرحمها ماما ماتت .. !!!

و جت تحضني ..حسيت قلبي خللآص ح يوقف ..

دموعي نزلت كأنه احد مقفلها من اسبوع و فجآه مرة وحده فكها .. !!

و اخيرا لــســآني بدأ ينطق .. من صحيت و سمعت الاصوآت و هو مربوط و بس جالسه افكر و اطالع بعيوني ومو قادرة انطق ..

واول ماسمعت الخبر .. وخرتها عني ورجعت ورا ..

و قلتلها .. لا تـمـزحـي .. بلا هبالة .. !!

رجعت حضنتني و تبكي بقوووة زيـــآدة ..

صرت اصرخ بقلبي ربِ رحــــــــــــــــمــــــــــــــــآك ..

ابغى ابكي و ابغى اكون قوية ..

وجالسه اذكر نفسي ( انما الصبر عند الصدمة الاولى ) ( وبشر الصابرين الذين اذا اصابتهم مصيبة قالوا انا لله و انا اليه راجعون )..

ماقدرت امسك نفسي زيــآدة .. صرت ابكي بصوت عآلي و اردد (انا لله و انا اليه رآجعون) ..

ابغى اهدي نفسي و شي بقلبي كاتمته من شهور جالس يطلع غصبن عني ..

ياناس اللي رآحت مو أي أحد .. اللي رآحت هي دنيتي .. هي حيآتي .. هي روحي .. هي سعآدتي و فرحي .. هي جنتي و نآري .. !!

يـآعـآلم اللي فقدتهـــآ لايمكن تتعوض .. مـــــآمــــآ ..

الحمدلله قدرت امسك نفسي و على طول اسألهم وين اخويه الصغير .. ؟؟!!

جاني حبيبي يبكي .. يقولي ري ري .. ماما راحت .. ؟؟!!

اقوله حبيبي تعال .. ماما راحت عند ربي .. ربي يحبها كثير .. هي راحت الجنة ان شاءالله ترتاح ..واحنا كلللنا ان شاءالله بعدين راح نلحقها .. !!

قآلي .. طيب احنا متى راح نروح عندها .. ؟؟

قلتله حبيبي .. هيا راحت بس تبغاك انت تعيش و تكبر و تصير رجال .. بعدين ان شاءالله نروح عندها .. وبعدين حبيبي اي شي تبغاه من ماما .. انا فيه انا اختك الكبيرة .. انا ماما يآقلبي ..

والحمدلله قدرت انومه ..

بعدين رحت لاختي الصغيرة احضنها .. ماعرفت ايش اقولها .. حضنتها و بس ..

بعدها هربت لوحدي اتخبيت و جلست ابكي ابكي و ادعي ربي يرحمها و يصبرنا ..

وعلى طول قلتلهم ابغى اروح اشوفها .. وشفتها الحمدلله ارتحت ......
.
.
.

والحمدلله اللي الهمني الصبر و القوة و ما انهرت قدام اخواني ..

الله يرحمك يـــآرب و يغفرلك .. خلآل 4 شهور بس .. غيرتي فيا دلع 20 سنة ..

وصرت انسانه ثانية قوية و فاهمة و شايلة مسؤولية ..

اللهم تقبلها من الشهدآء عندك .. و اجمعنا بها في الفردوس الاعلى يـــآرب العالمين ..

اللهم و اجــعــلــهــآ آخـــر احـــزآننـــآ يــــآارحم الرآحــمـيــن ..
الجمعة، 19 ديسمبر 2008

اللهم اغفر لـ ماما .. و ارحمها و تب عليها
اللهم اغسلها بالماء و الثلج و البرد ..
و نقها من الذنوب و الخطايا كما ينقى الثوب الابيض من الدنس
اللهم ابدلها دارا خيرا من دارها و اهلا خيرا من اهلها و زوجا خيرا من زوجها
اللهم اجعل قبرها روضة من رياض الجنة
اللهم و ادخلها الفردوس بغير حساب


لا اعرف ماذا اقول ومالذي يمكنني قوله في فرآق أمي ..!!


افتقد لوجودها معي .. افتقد حنانها و ضحكتها و حضنها الدافي ..


افتقد لكل شي معها ..


ربما عرفها البعض منكم و ربما البعض لم يسمع بها ..


لكنها كآنت و مازآلت أروع انسانه في الوجود ..


انسانه لن يتكرر في الخلق مثلها ابدا ..


ربت فأحسنت التربية باذن الله ..مرضت .. فصبرت ..


كنت اعتقد ان ربي يحبها لدرجة ان يبتليها بمرض اقعدها على الفراش و لم تستطع الحركة الا بمساعدتنا ..


ولكن ربي أحبها اكثر من ذلك بكثير .. فقد ابتلاها بالمرض و طهرها من ذنوبها و اخذها شهيدة عنده باذنه تعالى ..


أحبها لدرجة انه عجل بأخذ أمآنته خلال 4 شهور من معاناتنا مع مرضها ..


أحبها لدرجة ان الجامع عند صلاة الظهر لم يكن ممتليء بالمصلين ..


و عند الصلاة عليها قد امتلأ دورين و لم يبقى مكان فارغ ..


أحبها لدرجة ان جنازتها كانت خفيفة و سريعة و كأنها تقول عجلوا بدفني للقآء ربي ..



كلآمي عنها يطول .. و لن تكفيني ايآم الدنيا لأنهي حديثي عن أمي الغآلية ..


كل ما ارجوه منكم هو دعوة صآدقة لهآ بظهر الغيب .. ان يرحمها ربي و يغفر لها و ان يتقبلها من الشهداء و يدخلها الجنة بغير حسآب ..



ودعوة لي و لأخوآني الصغآر .. وكافة اهلها ..ان يربط الله على قلوبنا و يعيننا و يلهمنا الصبر على فرآق أغلى من نحب ..



أفـــتـــقــــدك يـــآ .. جـــــــنــــتـــــي ..

رحت شفتها اليوم بعد ماغسلوهآ ..


حبيبتي كان وجهها مــــنـــــــور .. طالعه احلى بكثييير من لما كانت حيه ..


كـــآنت كـــمـــآن مبتــســمـــة ..


كـــآن وجههآ رغم موتهآ مليآن حيـــآة ..

ماشاءالله تبآرك الله يآحظك يآ ماما ..


كلمتها و كنت مستنيتها تنطق و ترد عليا ..


حضنتها و استنيتها يمكن تحضني ..


كانت دايما تحضني و تقولي .. ليش ماتمسكيني يللا احضنيني بقوة .. ؟!


واليوم انا حضنتها و اقولها .. ليش ماتمسكيني ماما احضنيني الله يخليكي .. ؟!


اللهم لا اعتراض .. ولكن الفراق صعب ..


رحمك الله رحمة وآسعة و جمعني بكِ في الفردوس الأعلى باذنه تعآلى و رحمته ..


عصر الأربعآء
19/12/1429 هـ

كـــــآن آخـــــــــــر كـــــــلآمــــــهــــــآ لـــيـــآ .. ادعــــــــــــــــولــــــــــــــــي ..

رحـــــــلـــــت .. جــــــنـــــتــــــي ..

انا لله و انا اليه رآجعون ..

لا اله الا انت سبحانك اني كنت من الظالمين ..

اللهم ارحم ضعفي .. و اجبر كسري ..

اللهم اجرني في مصيبتي و اخلف لي خيرا منها ..

اللهم ارحمهآ و اجعل قبرهآ روضة من ريآض الجنة ..~

.. رحــــــــــــلـــــــــــــــــــت ..
الثلاثاء، 16 ديسمبر 2008
و ازدآد شــــوقـــــي .. لـهـآ ..


رحنآ أمس الليل و زرنآ ماما بالمستشفى ..

الحمدلله ارتحت شويا .. خصوصا اني 3 أيآم قبل لاشفتها و لاسمعت صوتهآ ..

انبسطت لما وصلنا عندها و طلبت مني كآسة مويآ ..

اشتقت اخدمها الغآلية .. اشتقت للأجر منهآ .. و اشتقت لدعوآتهآ


الاثنين، 15 ديسمبر 2008

أماه ..~ Mother ..~



Mother

I'm Lost Without You


أمــــــآه .. أمـــــــآه .. يــآ أمــي


وآ .. شـــوقـــآه .. الى لــقــــيـــآكِ .. يـــآ أمــي




آآهـ .. يـــآ كـــبــــر هـــمـــي ..!!


الأحد، 14 ديسمبر 2008

قَالَ رَسُولُ اللهِ صَلَّى الله عَلَيْهِ وَسَلَّمَ: دَعْوَةُ ذِي النُّونِ إِذْ دَعَا وَهُوَ في بَطْنِ الحُوتِ لا إِلهَ إِلا أَنْتَ سُبْحَانَكَ إِنِّي كُنْتُ مِنَ الظَّالمِينَ فإِنَّهُ لم يَدْعُ بهَا رَجُلٌ مُسْلِمٌ في شَيْءٍ قَطُّ إِلا اسْتَجَابَ الله لَهُ".

لا إله إلا أنت سبحانك إني كنت من الظالمين

لا إله إلا أنت سبحانك إني كنت من الظالمين

لا إله إلا أنت سبحانك إني كنت من الظالمين

لا إله إلا أنت سبحانك إني كنت من الظالمين

اللهم أنت أعلم بحآلي و أعلم بسؤآلي و أعلم بحآجتي و أعلم بمكان الخير لي

اللهم فارحمني برحمتك و اتني سؤالي و حقق لي مرآدي و مبتغآي

اللهم انك سميع مجيب الدعآء

اللهم اشفهآ شفآء تآمآ لايغآدر سقمآ ..~


اشتآق لصوتهآ .. اشتآق لعينيهآ ..

اشتآق لدخولهآ غرفتي و بحنآنهآ تسألني .. وينك مختفية عننآ .. ؟؟!!

اشتآق لوجههآ الصبوح يوقظني كل صبآح .. يللآ مدرسة .. !

اشتآق لسلآمي عليهآ قبل ذهآبي و بعد عودتي من كليتي ..

اشتآق لدخول البيت و رؤيتهآ تقف في المطبخ ..
فأزعجهآ بسؤالي الذي أكرره على مسآمعها كل مره و تكرره معي بانزعآج .. ماما جوعآنه ايش الغدا اليوم .. ؟؟

اشتآق لأن اقول لها عند خروجي .. مع السلآمة ماما يللا دعوآتك .. !!

اشتآق لسمآع دعوآتهآ لي في كل يوم أخرج من البيت متجهة للكلية .. الله يوفقك و يسهل عليك و لاتنسي دعاء الخروج ..!!

اشتآق لجلوسي معهآ .. و سرد حكايآتي و قصصي البطولية في كليتي .. لأرى سعآدتهآ و فخرهآ بي يرتسم على ملآمحهآ .. !!


اشتآق و اشتآق و اشتآق و اشتآق .............

ولن يفيدني شوقي لهآ بشيء .. ولست املك الا ان ادعو لهآ رب رحيم .. ان يعجل بشفآءها .. شفآء تاما لايغآدر سقما ..



دعــوآتكم لــهـــآ بالشفآء الــعـــآجل .. فهي .. جنتي التي تمشي على الارض ..


أذكــآر ..~

من أذكآر الصبآح و المسآء ..

اللهم إني اسألك الهدى و التقى و العفاف و الغنى



دعوآتكم لوآلدتي بالشفآء العآجل .. =(
الجمعة، 12 ديسمبر 2008

هذي الدنيآ عجآيب ..~



مآرآح اطول بالكلآم .. معروف عني تصاميمي مآ تطلع إلآ بالمنآسبآت ..

يعني لازم احس بالشي عشان اصممه ..

وقبل شويا خلصت من دي البطآقة البسيطه ..


للحفظ كلك بيمين المآوس

{{ حفظ الهدف باسم-Save target as }}


أختكم

ري ري


و صــآر شــــوقــــي .. [ شــــوقـــــيـــــن ] ..!!

توصلوا بالسلآمة يآرب ..~



حاولت ما افكر بالموضوع كثير .. عشان اكون قوية وقت الودآع ..



لكن للاسف لما قرب الوقت .. فجأة و دون سآبق انذآر ..



دمـــوعــي غسلت و جهي .. !!!



حاولت اوقفهآ و اسكت .. لكن ماقدرت كانت اقوى مني ..!



الكل مصدوم .. انتي القوية طلعتي اضعفنآ .. !!



ترا قوتي تمثيل .. لآتغركم .. !!



حسيت روحي طآلعه مع دموعي ..



توصلوا بالسلآمة يـــآرب .. وانا الله يعينني و يصبرني ..


الأربعاء، 10 ديسمبر 2008

ماما الله يقومك بالسلآمة يــآرب ..~



.. يعجز اللسآن عن الكلآم ..

.. تعجز الحروف عن البوح ..

.. ولا تملك إلا الدموع ..

.. و تجآهد لقتلهآ في عينيك ..

.. عندهآ سـ تفهمني ..

.. اذا صرخت بـ صمت ..


.. مــخــنــوقــه والــلـــه ..



*بقلم ري ري
الثلاثاء، 9 ديسمبر 2008

متى ..~

متـﮯ أشوفـگ و تكتمل فرבــﮧ أξـيآدي


أشـتــآق ..~

أحــ م ـــل بــقــلــبــي شـــــوقـــٌ .. لآ تـــصـــفــــه الــكـــلـــ م ـــآت ..!ُ!ُ

الأحد، 7 ديسمبر 2008

عيــدكــم ســعـــآدة ..~


ماشاءالله تبآرك الله ..


اليـــوم عــيـــدي ..


<<--- ترا العيد لسه بعد بكره ان شاءالله ..


صآرتلي اشياء حلوة ..رسمت البسمة على وجهي ..


الله لايغير عليا يـآرب ..


والله يزيد الافرآح افرآح ..


الخميس، 4 ديسمبر 2008

أيآمي ..~



أكــره الـقـهـوة .. و أكـــره أيــآمي ..

و مآعدت استطيع [ الاسـتـمـتـآع ] بـهـمآ ..

فـكـلآهـمـآ [ مُـــر ] ..

*بقلم ري ري

الف هلآ يآمرحبآ بالعيد ..~






كل عآم و انتم بـخـيـر




سبحآن الله الأيآم تجري بسرعه ..


ومآبقي الا أيآم قلآئل و نستقبل عيد الأضحى ..


منآ من يتمنى قدومه بأسرع وقت و منآ من يتمنى ان يتأخر اكثر ..


و سوآء كنا ننتظره ام لا .. فهو قآدم باذن الله لا محآلة ..


وارجو من العلي القدير ان يكون عيد الأضحى عيد خير و بشرى و سعآدة عليكم اجمعين ..



ولن أطيل عليكم أكثر ..


وسأترككم مع بطآقتي الفلآشية المتوآضعه للعيد السعيد ..








ملآحظة : دائما انصح بتحميل البطآقآت للجهآز حتى تتم مشآهدتهآ بحجمها الطبيعي و بصورة افضل ..



وللتحميل .. كلك بيمين المآوس ..






و لا تنسونا من دعوة بظهر الغيب ..




أختكم


ري ري





الأربعاء، 3 ديسمبر 2008

أتحرى العيد أكثر من طفل ..~|[ توبيكآت العيد ]|~..







قبل الزحمة وقبل شي ..



أحب اقول لكل الحجآج .. الله يتقبل منكم و ترجعوا مغفور لكم باذن الله ..




و احب اقول لكل زوآري و حبآيبي ..




[ عيــدكم ســعــيـــد ]





وبدي المنآسبة بصرآحه لاول مرة بحيآتي قررت اتهـور ..


وسويت شويا توبيكآت حلوين للعيد ..



وادي النمآذج ..







وأخيرا للتحميل .. كلك بيمين المآوس




واذا عجبتكم لا تنسوني من دعوة بظهر الغيب أحتآجهآ ..



أختكم

ري ري










الاثنين، 1 ديسمبر 2008

أذكــآر ..~



من أذكـــآر الصبآح و المسآء ..~

.

.

" اللهم أجرني من النآر " .. تقآل سبع مرآت ..

.

.

" اللهم أدخلني الجنة " .. تقآل ثلآث مرآت ..

.

.

.....................................

تيب ايش رآيكم نقولهآ سوى .. ؟؟

.

.

اللهم اجرني من النآر .. اللهم اجرني من النآر .. اللهم اجرني من النآر ..

اللهم اجرني من النآر .. اللهم اجرني من النآر .. اللهم اجرني من النآر ..

اللهم اجرني من النآر ..

.

.

اللهم ادخلني الجنة .. اللهم ادخلني الجنة .. اللهم ادخلني الجنة ..

.

.

.

<<---الحمدلله يآربي خلصنا .. خسرنآ شي ؟؟؟؟ :)

.

.

لاتنسوني من دعوآتكم ..

أختكم

ري ري

أخلآقك هي شهآدتك يآحضرة الدكتورة ..~

اليووووم كآن عندنا محآضرة ..
..
ودكتورة المحآضرة هيا نفسهآ رئيسة القسم ..
بصرآحه مدري ايش اقوووول .. غير الله يهديها و يصلحهآ يـآرب ..
..
تدخل وهيا نفسها في خشمهآ ..
يآحرمة مين غصبك تدرسي .. ؟؟
استغفرالله العظيم عليها الفآظ و سب مو طبيعي ..!!
..
يعني اقووول الله يبلى بنتها بوحده زيهآ عشان تحس فينا ..!!
جمعت تقريبا 5 شعب مع بعض و تدينا محآضرة ..
بصرآحه انا وحده اخاف من الزحمة وما احبها ..
دا غير الجو كتمة و مافي اضاءة ..
فبالله كيف تبغانا نركز في جو زي كدا ؟؟
..
واذا سمعت همس من اي وحده تجلس تسب فينا كلنا و تقول ..
..
..
انتوا ماتستحوا انتوا مدري كيف جايين تدرسوا .. انتوا المفروض تجلسوا في البيت .. !!!
يعني فرحآنين على خيبتكم و لا ع الموآد اللي ترسبوا فيهآ و لا ع الـ10 موآد اللي نجحتوا فيها .. !!!
..
..
..
..يعني عشان حضرتك دكتووورة خلآص تسبي فينا على كيفك .. ؟؟
جالسة تتريقي ع البنآت اللي بيرسبوا .. ليه هما رآسبين بمزآجهم .. !!؟؟
والله لو وحده فيهم رفعت يدينها و دعت على بنتك ترسب سآعتهآ راح تحترمي الرآسبآت .. !!
..
يآحضرة الدكتورة انتي المفروض قدوة لغيرك .. المفروض تكون اخلاقك اعلى من كدا ..
..
انا بس حبيت اقووول ..
..
الدكتووور .. دكتوور بأخلآقه .. شهآدته اللي معآه لو اتقطعت او اتحرقت او اندآست بالارض .. مالها اي قيمة ..!!
..
قيمتك هي بأخلآقك .. أخلآقك هي شهآآدتك .. تعآملك مع اللي حوليك هي شهآدتك ..
كلآم النآس عنك هي شهآدتك .. !!
..
..
<<---شي بقلبي و حبيت اطلعه ..
..
..
أختكم
ري ري