Follow Me ~

 

About Me ~

صورتي
جدة, Saudi Arabia
ابنة.. زوجة.. و أم.. خريجة جامعة الملك عبدالعزيز تخصص غذاء و تغذية.. أحب عائلتي الصغيرة و أحب التدوين و الرسم و التصوير و الطبخ و الاكل و كل حاجة حلوة في الحياة .. =)

تابعوني من هنا

الثلاثاء، 31 مارس 2009

مسافر اخويا ..~

.


والله منجد خلآص ح يسآفر .. crying ..!!

مسآفر يآحبيب الروح وانا كلي ألم و جروح .... عآشو اهل الطرب rolling on the floor

يقولي يوم السبت و فرحآن هو ووجهه ..

الله يعينك يآبريتيش اخويآ ح يجييك .. tongue

اخويا اخويا اخوووياا اخويا الصغير .. اخويا اخويا اخوووياا اخويا الكبير
أحووبـوو أحووبــوو أحووبــوو .. أحووبــووو أحووبــوو أحووبــووو
سم سم سم .. سم سم سم .. سم سم سم

<<--- لآزم الشطحآت و النطحآت .. rolling on the floor

لآ لآ منجد السبت خلآص .. !!

تيب ومين ح يجلس ع الغداء يقولي ليش ماسويتي كبسة .. crying

<<--- ايوة يآمسكين هنآك مآعندهم كبسة .. tongue

ومين ح اجلس كل يوم ازعجه .. وديني البحر .. وديني بآسكن .. crying ..!!

ومين ح يوقف قدآمي ويطآلعني باحتقآر عشان يوريني انه اطول مني و هو الاصغر .. crying

<<--- كلهم اخوآنك اصغر منك بس كمان اطول منك لاتشيلي هم النقطة دي rolling on the floorخخخخخخخ


ومين ح يجلس قدآمي و مزعجني بالميوزيك و انا اهزيء فيه وطي الصوت و ياريتك فاهمهم .. crying

ومين ح اجلس اطالع بشعره واقوله متى ناوي تقصه اللي يشوفك يقول لابس طآقية .. rolling on the floor

<<--- مو مشكلة هنآ كمآن ح امسك اخويا الثاني .. tongue

لآ يآ الشين منجدك رآيح .. crying.. !!

ان شاءالله تروح و ترجع بالسلآمة .. ترآك مآ ح توحشني .. crying



.
الاثنين، 30 مارس 2009

وينك يا .. فرحتي .. ؟!




تعبت استنآك يآ .. {فرحتي} .. ويــنــك .. ؟!

مو من عوآيدك .. تبعدي كثير .. !!

بس هـ المرة [طولتي الغيآب] .. !!

عسى المآنع .. {خــيـــر} .. !!


broken heart



*
بقلم ري ري


.
الأحد، 22 مارس 2009

كل عام وانتي أمي ..~

love

بسم الله الرحمن الرحيم
السلام عليكم ورحمة الله وبركااته


عـــيــد الأم....
او اللي يحب يستهبل على نفسه عشان يحلله .. يسميه .. يوم الأم ..!!

<<---الله اكبر يعني هو حلال و لا حرام عشان الاسم مو عشان الفكرة و المضمون .. عالم مدري كيف تفكر .. !!

هل نحن فعلا بحاجة لعيد الأم حتى نتذكر أمهاتنا...؟؟ حتى نتذكر ان لدينا أمهات في هذه الحياة...؟؟

ألا نستطيع اسعاد امهاتنا وان نقدم لهن الهدايا وان نخبرهن بمقدار حبنا لهن....الا في عيد الأم...؟؟!!

هم أقوام نسوا أمهاتهم وابتعدوا وعاشوا بعيدين عنهن بعد ان كبروا ... بل استحدثوا لهن دار للعجزة ليرموهن فيها ....

لذلك اوجدوا مايسمونه بـ عيد الأم ... ليتذكروا أن هناك أما لهم في هذه الحياة تحتاج لهم....

ونحن كعادتنا ننسلخ من هويتنا المسلمة ونسلمهم دفة القيادة ونسير خلفهم في آخر الركب نلحقهم ....

واحتفلنا بما اسموه عيد الأم ....

ونسينا اننا مسلمون وان ديننا وحياتنا كلها احترام وحب وتقدير لأمهاتنا....بل ان الجنة تحت اقدامهن....

فهل نطلب رضاهن والجنة تحت اقدامهن فقط في هذا العيد...؟؟!!!

ألا نعلم أن الاحتفال بهذا العيد او اليوم اصلا (حـــراااام)....واحتفالنا به يعتبر شرك وتقليد للكافرين....!!؟


أنـــا لـــــم و لـــــن أحتفل بعيد الأم ليس لأني لا أحــب أمــي .... ولا أريــد اســعـــادهـــا....

لا والله ولـــكن لـــيـــعـــلــم الــجمـــيــع ويـــشــهــد الــعالــم بأن الـعيد ليس هو من سيذكرني بــوجــــود أمــي وحـــبـــي لــهـــا....

بـــــل وجــــودهــا أمـــي وحبي لـهــا ورضـــاهــا عــني هــو مــا ســـيــجــعـل أيــــامـــي كـــلهــا أعيـــاد....!!!




^^^^^
هذآ مآكتبته بقلمي قبل سنة .. وحبيت اليوم انزله هنآ .. بما انهم جالسين يحتفلوآ بدا اليوم ..

لعل الله ينفع به أحدآ .. !!

رحمك الله أمي و جبر كسري .. ورحم أموآت المسلمين وجعل أكبر و أجمل أعيـآدنآ .. يوم دخولنآ الجنة ..!!

love
الجمعة، 20 مارس 2009

الـ menubar ..~

.


بسم الله الرحمن الرحيم
السلآم عليكم ورحمة الله وبركآته ..


صبآحكم / مسآئكم .. سعآدة و غفرآن .. rose

من يومين وانا ادور بالمدونآت لتطوير مدونتي المتوآضعة .. لقيت .. مدونة شبآب .. arrow

المدووونة مرررة لزيزة .. لسة مآشفتهآ كلهآ بس شدني درس المنيوبآر للمدونة ..

وقررت اطبق الدرس .. يعني هو شكل المنيو تبعي موووش مررة حلووو .. بس حبيت اجرب و اسوي ع السريع ..

اليييين اروق ان شاءالله و اسوي وآحد محترم ..

بس طبعا دخت شويتين لانه انا بلوجر والدرس للورد بريس ..

ولكن لآمستحيل هنـــآآآ .. dancing

بكل بساطة اضفت صندوق html و عدلت مكانه .. وصار عندي منيوبآر .. blushing

تصفحته بالـ IE ..شكله تمآم ومآشي حآله .. ولكن بالـ فوكس مدري ايشبنه طآلع فوق بعض .. not talking

اصحاب الفايرفوكس انته شايفينه فوق بعض .. ولا بس انا .. !!؟؟

وعموومآ الله يديه العآفية .. استآز عبدالله .. صآحب مدونة شبآب .. الدرس كان حلو ووآضح ..




.
الثلاثاء، 17 مارس 2009

فن الـ matte painting ..~

بسم الله الرحمن الرحيم
السلآم عليكم رحمة الله وبركآته


زوآر المدونة الأعزآء ..

يوووووه من متى مآكتبت في مدونتي زي النآس ..

من بدأت الدرآسة وانا مو قآدرة اسوي شي ..

الموهيم مآعلينآ مآعلينا .. mrgreen

قبل مدة قرأت بمدونة العزيزة mema .. عن فن الـ matte painting .. happy

وباختصآر شديييد .. و الزبدة انه الفن دآ هو عبآرة عن دمج للصور لانتآج خلفية معينة ..

وبما انه الموضوع له علآقة بالفن و الفوتوشوب .. قررت ادخل نفسي و اجرب حظي معآه .. blushing

يـــللآ لا اطول زيــآدة اتفضلوآ شوفوآ الخلفية اللي عملتهآ .. اتمنى اشوف تعليقآتكم و ارآئكم .. ^^

و بصرآحة ايش رآيكم ينفع افتح شركة انتآج ولا لا اتهور احسن .. tongue

ولآتنسوآ انهآ تجربتي الاولى .. يعني بلكن مع التدريب اتطور للأحسن ..



الـصـــور المستخدمة ..




لمشآهدة الخلفية بحجمهآ الطبيعي .. كلك ع الصورة ..

ري ري


وهنآ اضفت تأثير بسيط للخلفية .. لمشآهدتهآ بحجمهآ الطبيعي .. كلك ع الصورة ..

ري ري


<<<---- احس شويآ و ينط سندبآد من القصر .. rolling on the floor

الموووهيم يـللآ لآتحرموني تعليقآتكم .. لتطوير المستوى .. و تنصحوني أكمل و لا خليني بتصميم التوآقيع ابركلي .. mrgreen

آآهـ منك يآ احسآسي ..~






يــــآربي حــســـيــــت ..



انا قلت السفرية فيهآ إنّ ..



و طلع فيهآ إنّــآآآآت مو إنّ وحدة ..



مدري أضحك لأنه احسآسي كل مرة اتأكد انه صآدق معآيآ ..



و لآ أبكي لأنه طلع الي حسيت بيه صحيح .. !!



من 3 شهور و انا أحآول اقنع نفسي انه دآ اليوم لآزم يجي ..



من 3 شهور و انا اقول لنفسي عآدي يآ ري ري .. عشآن لا انصدم بعدين ..



من 3 شهور و انا اكلم اخوآني و اجس نبضهم و اشوفهم .. و يقولوآ عآدي ..



بس لو عرفوآ اللي انا عرفته .. ايش ح تكون ردة فعلهم .. ؟؟!!



من 3 شهور وانا اذكر نفسي .. مآمآ الله يرحمهآ دآيما تقولي عآدي خلوه من حقه ..





و اليــوم وصلني الخبر ..



أحــآول اذكر نفسي .. { عسى أن تكرهوآ شيئآ و هو خير لكم } .. !!







احس اني عآجزة عن التفكير .. عآجزة عن الكلآم .. عآجزة حتى عن البكآء .. !!



غــــريــــبـــــــة يــآ .. دنـــيــــــــآ .. سبحآنه اللي خلقك .. !!





.. اللهم أجرني في مصيبتي و اخلف لي خيرآ منهآ ..








sad
الاثنين، 16 مارس 2009

19-3-1430 هــ


يالله 3 شـهـــور مرت بغيـآبك يآكل الغلآ ..

3 شهور من عمري بدونك يآجنتي ..

3 شهور عشتهآ بدون الجنة تحت قدميك ..

3 شهور مستعدة اعيشهآ تحتك .. بس ترجعيلي ..

3 شهور .. كل يوم أقول اليوم رآح يخف وجع القلب .. ولكنه بآقي مآتغير ..

3 شهور اعيشها لوحدي .. ادآري فيهآ دموعي لأجل من حولي ..

3 شهور ودي اقول للعآلم .. أمكم يآنآس لآتضيعوآ لحظة معآهآ ..

محد يحس بقيمة الشي الا اذا فقده ..

مآله دآعي تفقد أمك عشآن تحس بقيمتهآ ..

3 شهور و انا احاول اتغلب ع الالم .. لكن بآقي اتذكر اول يوم فجعني الخبر وكأنه يوصلني اليوم ..

3 شهور ادعي ربي يصبرني و يعوضني و يجبرني ..

3 شهور احاول اوصلك و ابرك بأي طريقة يآجنتي ..

3 شهور وانا مآصآر بتفكيري الا ..الجنة.. و ايش اسوي عشان ادخل الجنة ..عشان ربي يجمعنآ هنآك باذنه تعآلى ..

إلهي إن (جنتي) بجوارك فأكرم نزلها ووسع مدخلها و نقها من الذنوب والخطايا كما ينقى

الثوب الأبيض من الدنس وألهمنآ الصبر يارب

اللهم أرحم ضعفنا وتولنا برحمتك ياأرحم الراحمين


اللهم طيب ثراها و اكرم مثواها واجعل الجنة مستقرها و مأواها

اللهم نور مرقدها و عطر مشهدها و طيب مضجعها

اللهم آنس وحشتها و ارحم غربتها و قها عذاب القبر و عذاب النار

اللهم نقها من خطاياها كما ينقى الثوب الأبيض من الدنس

اللهم افسح لها في قبرها و اجعله روضة من رياض الجنة و لا تجعله

حفرة من حفر النار,, اللهم اجعل مرضها كفارة لها لتلقاك خاليه من الذنوب و في اعلى درجات جنان الخلود

اللهم انقلها من ضيق اللحود و القبور إلى سعة الدور و القصور

مع الذين أنعمت عليهم من الصديقين و الصالحين والشهداء

اللهم اجعل لها من فوقها و من تحتها و من أمامها و من خلفها و عن يمينها

و عن يسارها نورا من نورك يا نور السماوات و الأرض

اللهم أبدلها دارا خيرا من دارها و أهلا خيرا من أهلها و زوجا خيرا من زوجها

واسكنها فسيح جناتك في الدرجات العليا

يا أكرم من سئل و يا أوسع من جاد بالعطايا

خفف أحمالها و حط من أوزارها واجعلها في مقام من قام لك

بالقرآن آناء الليل و أطراف النهار

اللهم آآمــــــــيــــــــــــن
الجمعة، 6 مارس 2009

يــآرب ..~

.


يــآحي يـآقيوم برحمتك استغيث .. اصلح لي شأني كله .. ولا تكلني الى نفسي طرفة عين ..


من أجمل الادعية اللي أحب ترديدهآ .. خصوصآ وقت الضيق ..
الله يبعد عننـآ و عنكم كل ضيقة يــآرب ..~


.
الخميس، 5 مارس 2009

مشغل الصوت الفلاشي .. ~

.

السلآم عليكم ورحمة الله وبركآته ..

حيآكم ربي .. منورين .. ^^

بصرآحة مدري ايش الهرجة العيب فيآ و لا في المدونآت ..

اشوف المدونآت هآدية و يآدوب كل يومين ينزل موضوع .. وانا مآشآءالله وانا احاول اهجد لآزم باليوم انزل موضوع او موضوعين .. blushing

مآعلينآ مآعلينآ .. اللي يحب الهرج الكثير يسنتر عندنآ .. mrgreen

الموهيم من مدة الله اعلم قد ايش .. كنت اشوف مشغلآت المقآطع الصوتية الفلآشية بالموآضيع و الموآقع و المدونآت ..

<<--- التسمية من رآسي لحد يعتمدهآ و بعدين يقولي تألفي علينآ .. laughing

ونفسي اعرف كيف يسووهآ .. ومن فين يجيبوهآ .. crying .. و بعد تعآملي مع المدونآت و احتكآكي بالاكوآد و زي كدآ .. بديت افهم الشغلة ..

ومرة من المرآت طحت بمدونة من المدونآت .. وطبعا كآن فيهآ المشغل اللي ابغآه .. ومشكلتي ما احب اسأل و ازعج الناس الا اذا وصلت حدي و عجزت تمآآآمآآآ ..

فطبعا حآولت اجيب الكود بأي طريقة .. cool

ايش سووويت .. حفظت الصفحة على شكل html .. وبعدين فتحتهآ بالـ notepad .. لكن مآنفعت الحركة .. crying

مآعرفت الكود من فين يبدأ و الى اين ينتهي .. mrgreen

ففكرت طبعآ في طريقة ثآنية اكثر ذكآء من الاولى .. <<--- محدثتكم مآشآءالله عليهآ اوم الذكآء .. blushing

فتحت الصفحة بالفرونت بيج .. batting eyelashes .. وحددت المشغل و نسخت الكود .. <<-- فيس يرفع حوآجبه ..tongue

اكيد تفكروآ .. يآترى ايش هو المشغل اللي اتكلم عنه و مين هو دآ اللي مسوية الحوسه دي كلهآ عشآنه .. thinking ؟؟!!

انا اقووولكم ..

المشغل اللي اتكلم عنه ..


هو ..





ونــآسة مرة يعجبني شكله و خفيف و الوآحد يقدر يلعب فيه على كيفه ..

وحلو استخدمه بالمدونة عشان اعرض الاناشيد قبل التحميل و زي كدآ ..

الموهيم المشغل اللي اتكلم عنه هو ..

دآ .. انشودة مبروك .. <<--- بمنآسبة نجآحي طبعآ .. party




الانشودة للتحميل برآبط مبآشر .. كلك يمين ..

|| حفظ الهدف باسم | Save target as ||


طبعا انا هنآ لآعبه بالالوآن .. مع انهآ مو عاجبتني مرة بس مشوآ حآلكم ..


لا واللي يقهر بصرآحة اني دورت عن الكود و كيف العب بالالوآن في العآلم العربي مآلقيت شي .. !!

لكن لما دورت بالعنقليزيش .. mrgreen .. على طووول لقيت المعلومآت اللي ابغآهآ ..

الحمدلله عندي لغة تمشيني ولا كآن جلست افحط .. laughing

.
.

على فكرة اذا تبغوآ الطريقة و الكود قولولي .. و انا من عنوووني اديكم هيآ .. love struck

وعلى فكرة ثآنية .. مين يقولي كم مرة قلت .. طبعآ .. في الموضوع اليوم .. rolling on the floor



.
الأربعاء، 4 مارس 2009

كآميرآ ولآ قلم ضوئي ..~؟!

.


يآ أهلآ و مرحبآ ..

أول شي أول شي .. حضرة سموي الكريم .. أقبل التهآني و التبريكآت .. بمنــآسبة .. نــجـــآحــي .. party

يـــــآرب لك الحمد أمس شفت نتيجتي بالموقع .. وأخيرآ طلعت كل الـ10 موآد ..dancing

والحمدلله ربي مع انه السنة دي أسوأ سنة في الظروف و النفسية ..

إلآ إنني و على مآيبدو طلعت حرتي بالمذآكرة .. و أخدت أحسن الدرجآت ..

وبعد حسآب المعدل كمآن مآشآءالله تبآرك الله معدلي الفصل دآ أحسن معدل .. arrow

ثآني شي .. قبل كم يوم .. بآبآ الله يحفظه .. يقولي اختآريلك هدية ..

أي شي نفسك فيه .. قوليلي ولا تستحي ..

عآد أنآ كنت مستحية اطلب اي شي وانا مو متأكدة من درجآتي .. خصوصآ اني كنت اخرج بعد كل اختبآر .. وانا crying

لكن دحين بعد مآشفتهآ اقدر اختآر هديتي بكل ثقة و بجآحة .. laughing

وبصرآحة مرررة محتآرة اختآر كآميرآ و لا قلم ضوئي اللي هو الـpen tablet .. drooling

كلهم نفسي فيهم .. و محتآرة ..

بس بحكم إني انسآنة أحب الرسم منذ نعومة أظآفري ..

وبحكم انه هوآيتي المفضلة هيآ الرسم ..

وبحكم اني تركت الرسم من يوم دخلت العلمي بالثآنوي .. يعني تقريبآ من 4 سنين .. !!

وبحكم اني مشتآقة للرسم و ابغى ارجعله شويآ شويآ ..

فأنآ قررت اختآر القلم الضوئي ..

و طبعآ بحكم متآبعتي لموآضيع القلم الضوئي من زمآن فانا ابغآه من شركة wacom .. time out

بس يقولوآ صعب نلآقيه بأسوآقنآ .. crying

ان شاءالله يطلع حظي حلو و تتسهل و الاقيه بسرعة و سعر معقول ..

أهــل جـــدة .. تعرفوآ مكآن محدد يبيعوهآ فيه .. ؟؟؟ سآعدوني بليز .. batting eyelashes


.