Follow Me ~

 

About Me ~

صورتي
جدة, Saudi Arabia
ابنة.. زوجة.. و أم.. خريجة جامعة الملك عبدالعزيز تخصص غذاء و تغذية.. أحب عائلتي الصغيرة و أحب التدوين و الرسم و التصوير و الطبخ و الاكل و كل حاجة حلوة في الحياة .. =)

تابعوني من هنا

تابعوني بالبريد الالكتروني

السبت، 18 يوليو 2009

حيــاتنا كلها نـِعَـم ..~

.

بسم الله الرحمن الرحيم
السلام عليكم ورحمة الله وبركاته


rose

وحــــشـــتــــــوووووووني .. الهي يسعدكم ..

اعتذر ع الانقطــاع .. و شــــاكرة من اعماق اعماق اعماق شرايين و اوردة قلبي لكل من ذكرني بدعوة .. رسالة .. و سؤال ..

لاحرمكم ربي من عزيز و لا غالي ..

rose

لسه انا في حالة ترميم داخلي لنفسي .. ان شاءالله نهاية الترميمات تطلع فيلا محترمة .. tongue <<--بدت تحشيش .. mrgreen

ماراح اطول عليكم حكي .. و راح ادخل في الموضوع على طول .. معليش البوست يمكن طويل وثقيل دم .. بس كيفي موضوعي وانا حرة .. tongue خخخخخ


rose



اللهم ما أصبح بي من نعمة أو بأحد من خلقك فمنك وحدك لاشريك لك فلك الحمد ولك الشكر

^

^

من قالها فقد أدى شكر يومه

فعلا الانسان مايحس بقيمة النعمة اللي هو عايش فيها الا لما يفقدها .. !

يمكن نكون فكرنا في دي النعمة و شكرنا ربنا عليها .. لكن فعلا مانحس بقيمتها و قد ايش هيا مهمة بحياتنا الا لما نفقدها ..

.

.

جالسة في بيتي مستريحة معززة مكرمة .. "اللاب توب" قدامي .. و "ريموت" التلفزيون بيدي .. و المكيف يبرد عليا حر الصيف .. يارب لك الحمد و الشكر .. فعلا نعم عظيمة ..

المهم .. اقلب قنوات التلفزيون ادور على اي شي يسليني .. و اذا طفشت جلست اطقطق ع اللاب توب ..

ياااه الحمدلله والله عايشة بنعمة اي شخص يتمناها .. شوية فجأة و بدون سابق انذار .. التلفزيون و المكيف ينطفوا ..sad !!

وي الكهرباء انطفت .. مرة مو وقتها .. ولكن اكتشفت انه مو كل الكهرباء بالبيت انطفت .. 220 بس هيا اللي انطفت و لا الباقي سليم ..

طيب يارب لك الحمد نعمة عظيمة اخترعوا 110 و 220 .. هع هع

باقي جهازي اللاب توب يشتغل معايا .. بس مافي مكيف ولا تلفزيون ><.. يللا اللاب توب يكفي عنهم .. والله نعمة الحمدلله ..

وبدأ الحر يزيد شوية شوية .. تذكرت اختراع عظيم اسمه "المروحة" <<---في وجود المكيف وربي نسيت شي اسمه مروحة mrgreen خخخخخ

و شغلت المروحة .. يااه ياربي لك الحمد فيه شوية هواء يخفف الحرارة .. فعلا اكتشفت انه المروحة نعمة عظيمة ..

وبدأ المغرب يقرب و الين دحين 110 شغالة تمام و فيه لمبات تنور البيت .. طيب الحمدلله يارب ..

ولكن شركة الكهرباء الوضع كدا مايعجبها .. لازم تطفشنا .. mrgreen هع هع

قبل المغرب بنص ساعة تقريبا .. انطفت 110 .. !!

لاااااا .. مافي كهرباء بالبيت يعني مافي اضاءة ولا فيه تهوية ولا نت ولا لاب توب .. يعني مافي اي شي .. crying

وي يعني النعمة خلصت استغفرالله .. !!

دخل علينا الظلام .. و مافي اي اضاءة .. الا "الشمعة" .. جلست اتأملها في الظلام الدامس ..<<--- ماوجه الشبه بينه وبين الفول المدمس rolling on the floor .. !!

يــااااااه يالشمعة .. والله انك نعمة عظيمة و اللي اخترعك فعلا انسان ذكي يستاهل جائزة نوبل للسلام .. tongue !!

التهوية مرة سيئة و الحر اسوأ .. نزلنا "للفناء الخارجي" <<-- متعوب عليها فناء ..

الحمدلله يارب في هواء برا .. والله الهواء نعمة من ربي .. الحمدلله يارب ..

تذكرت في دي اللحظات .. انه فيه ناس عايشة اصلا بدون بيت يلمها .. فيه ناس عايشة في الظلام اسابيع وشهور .. فيه ناس مو قادرة تشم حتى نسمة الهواء الصغيرة .. !

فيه ناس مو قادرة تغمض عيونها من الخوف .. مو حاسة بالامان .. عايشين في حرب .. الله اعلم متى تنتهي .. فيه ناس عايشة بعيد عن اهلها .. فيه ناس مايعرفوا اهلهم احياء ولا لا .. !

يــــــاااااه يــارب فعلا انا عايشة بنعمة عظيمة .. الحمدلله عندي بيت .. عندي اهل .. عارفة اني ممكن اغمض عيني في اي وقت وانا متطمنة ومرتاحة .. نعمة الامان شي عظيم ..النعم اللي ربي اداني هيا لاتعد ولا تحصى .. يارب لك الحمد كما ينبغي لجلال وجهك وعظيم سلطانك ..

وبعد ساعات من الانتظار ماقدرت اتحمل الوضع زيادة .. خرجنا انا و اخواني .. ورحنا لبيت جدتي .. ياربي لك الحمد عندي اهل وقت الرخاء و وقت الشدة .. tongue

فعلا حياتي كلها نعمة من ربي .. !

rose

جربوا بينكم وبين نفسكم .. تعدوا النعم اللي حوليكم .. !

<<--- والله راح تناموا و انتوا لسه ماخلصتوا .. mrgreen

.

4 تعليقآتكم:

Abdullah Saeed يقول...

صدقتم والله .. قبل سنة تقريباً كنت بربط عيني و أعيش حياتي بدون عينين لمدة أسبوع
بس أستغفر الله الدنيا تشغل أبو جدك مالقيت فترة إجازة تسمح لي أسوي هالحركة .. آآآآآآه والله أحنا بنعم ماقدرناها صح ( الصحة تاج على رؤس الأصحاء لا يراها إلا المرضى ) .. الظاهر أنو المثل كذا :p

شكرا لكم

متهورهً بلطفً يقول...

8
هذي حكمه مو مثل :D

×

صدقتي الواحد مابيحس بقيمة الشي الا

لما يفقده مش شرط نهائي مجرد لحظات بس

يحس بقيمته مثل قيمة المكيف ههههه


تسلم هالآيآدي يآرب واهم شي تعدي الترميمات ع خير راضين بعماره مش فيلا
بس اهم شي ترجعي لنا بخير :D

ري ري " كلي أمنيآت مجنونة " يقول...

ياهلا اخويا عبدالله ..

وي تعيش اسبوع بدون عينين .. صعبة والله .. !!

انت جرب يوم واحد بس تغمض عيونك و تعيش حياتك .. راح تحس بقييييمتها والله ..

ههههه ايوة صحيح كدا ..

شاكرة لك تعليقك .. ^^

ري ري " كلي أمنيآت مجنونة " يقول...

ياهلااا حبيبي متهورة .. :)

هههههههه فعلا مو شرط يفقده نهائي ..

يسلمك ربي يالغلا انتي ..

ههههههههه لا ابشرك ناويتها قصر ان شاءالله مو بس فيلا :P

منووورة ياعسل .. ^^