Follow Me ~

 

About Me ~

صورتي
جدة, Saudi Arabia
ابنة.. زوجة.. و أم.. خريجة جامعة الملك عبدالعزيز تخصص غذاء و تغذية.. أحب عائلتي الصغيرة و أحب التدوين و الرسم و التصوير و الطبخ و الاكل و كل حاجة حلوة في الحياة .. =)

تابعوني من هنا

تابعوني بالبريد الالكتروني

الثلاثاء، 9 مارس 2010

Indian food ..~

السلآم عليكم و رحمة الله و بركآته ..


عسآكم بخير .. جميعااا .. و أيآمكم سعيدة يارب ..Love Struck

بما إني بنت .. فأكيد كأي فتاة طبيعية .. لي ميول مطبخية .. Batting Eyelashes

ادخل المطبخ بالمزاجات اخبص شويتين و اطلع .. Tongue


المهم انه قبل فترة سويت لأهلي الاعزاء .. طبق هندي .. و عجبهم و تم القضاء عليه بفضل الله و كرمه ..
و تم تجربة الطبق من اشخاص آخرين و عجبهم الحمدلله ..


فقلت يصير انزل الطريقة بمدونتي .. للناسات اللي يحبوا المطابخ و يبدعوا فيها ..

و احلى و اهم شي بالموضوع انه الطريقة سهلة .. و كل الحكاية ارمي المقادير فوق بعض .. 1_19

اليكم الصورة و طريقة التحضير ..




المقادير ..

بصل مقطع صغير او كبير زي ماتحبوه ..
دجاج مقطع الى مكعبات متوسطة خالية من العظم ..
مسحوق الكاري .. جاهز بالاسواق ..
بطاطس مكعبات تقريبا بنفس حجم قطع الدجاج مقلية نص استواء ..
كاسة لبن مع ملعقتين كبار زبادي .. مخلوطين مع بعض ..
شوية موية و بهارات طبخ .. فلفل اسود و ملح و كركم و ورق غار ووووو .. يعني بهارات الطبخ اللي في بيتكم انتوا ادرى بيها ..
و فلفل عروق حار .. اذا تحبوا المفلفل ..
زيت للطبخ و فرن عشان نطبخ عليه .. <<<---- ان شاءالله ما اكون نسيت شي ..




الطريقة ..

نحمي كمية من الزيت ع النار .. و لما اقول كمية يعني كمية .. يعني مو زي حقت دايما .. تعرفوا طبخ الهنود حلاته بالزيت الكثير ..
 

نحط البصل ع الزيت الين يذبل شوية .. نضيف فوقه قطع الدجاج .. و نضيف البهارات و مسحوق الكاري .. و خليكم كريييمييين و انتوا تحطوهم .. لانه الاكل الهندي يعتمد ع البهارات اهم شي الكركم و الكاري ..
 

و سيبوا الدجاج يستوي شويتين .. و اضيفوا البطاطس اللي مقلية شابقا .. و سيبوها شوية تكمل استواء .. و تقدروا هنا تذوقوا .. اذا محتاج بهارات زيادة لاتقصروا ..
 

و نضيفلهم آخر شي كاسة اللبن و الزبادي .. و نسيبهم شويتين ع النار .. اذا حسيتوا لسه شوية ممكن تضيفوا شووية موية .. و بعدين نطفي النار ..




كدااا نكوون عوآفي عليكم جهزنا الطبخة ..
 

بالنسبة للتوابع اللي قدمتها معاها .. كانت عبارة عن سلطة الخيار بالزبادي .. و كفتة البطاطس ..
 

كلهم بسيطين .. 

السلطة عبارة عن .. خيار مقطع شرائح رفيعة و فوقها علبة زبادي كبيرة .. و شوية ملح و كمون و زعتر اذا بدكم .. 



الكفتة عبارة عن .. ع الزيت نحمس شوية جزر و بازلاء و بصل .. مقطعين صغار .. لما تقريبا يستووا ..
نكون مجهزين بطاطس مسلوقة و مهروسة .. نضيف فوقها الجزر و اخوانه اللي حمسناهم .. و بعدين نشكلهم بشكل دواوير "كور" صغار .. و نغطيهم بالبيض و بقسماط و بيض مرة ثانية و اقليهم في الزيت ..




تقدم الوجبة مع الارز الابيض .. و عوآآآآآفي مقدما ..

17 تعليقآتكم:

Spy Girl يقول...

احم قصدك انه يعني انا مو بنت لاني ما اعرف أطبخ _ _"

تصدقي اليوم فكرت أسوي الغدا لأهلي عشان أحس اني آدمية بس بطلت P:

تسلم يدك يختي ^__^

تونا جاوية بالنكهة اليابانية يقول...

يمييييي ييميييي شكله لزززيزززز مررررره :]

ان شالله يوم كدا لما افضى احاول اسويه

يسلمووو يا عسل :]

شعاع الأكوان يقول...

:)
اولاً صحتين وعافية
ثانياً: :)

المرة الجآي يا ليت تسوي لنا دونات وتصوريها لنآ،،

ثآلا حتى الشباب لهم ميول للطبخ وتلاقي كثير منهم من امهر الشيفين (خخخخ جمع شيف )في العالم

حتى انا حاط بمدونتي أكل يم يم
تفضلي زوري

http://sh3a33.blogspot.com/search/label/%D8%A7%D9%84%D9%85%D8%B7%D8%A8%D8%AE

رنداالجنوبية يقول...

يممم روعه وتقديمك لها ممتع ان شاء الله اسويها تمنياتي لكي بالتوفيق والسعادهـ

متهوره بٌلطف يقول...

بيني وبينك الطبق هندي بحت والدليل درزن التوابل والبهارات اللي فيه خخخخ
بس شكليآ حلو .. راح اجربه اكيد ^ــ*

تشكري الشيف ري ري :$ :P

ҚǾЯЄẮ يقول...

أجل سنعه واحنا ماندري((خير؟
طيب ليش ماعزمتيني تعرفين اني عجازه وماادخل المطبخ الا في المناسبات

يعطيك العافيه على الطبخه
نشوف المزييد من الأكلات اللزيزه^^

ري ري يقول...

اهنين سبااايووو ..

ههههههه لا ماقصدت شي بس اللي على راسه شسمها يحسس عليها .. =P

جربي مرة بلكي تطلعي موهوبة بالمطبخ .. =P

منورة ياعسسل ..

---------------------------

ولكمووو تونااا

من ذووووقك ياعسووولة ..

يسسلمك ربي ..

خلاص اذا سويتيه ورينا =$

سعيدة بطلتك .. =)

--------------------------

شعاع الاكوان

الله يعافيك ..

هههههههه اممم دونات .. ماقد جربت اسويها .. بس ممكن ليش لا .. =D

ايوة فعلا فيه شباب احسن من البنات بمليون مرة في الطبخ ..

اصلا اصلا في التلفزيون برامج الطبخ اللي يكون فيها طباخ احسن من برامج الطبخ اللي تقدمها طباخة .. XD

و ماشاءالله الوصفات مرة روعة في مدونتك .. =D

شاكرة لك تواجدك المشجع .. =)

ري ري يقول...

اهلا عزيزتي رنداا ..

تسسلمي ياعسولة ..

كلك ذووووق .. =$

و السعادة لجميع المسلمين يارب ..

منورة حبوبة .. =)

----------------------------

متهوورة عسوولة ..

الله يحلي ايامك يارب ..

جربيه راح تحبيه .. =$

كلك ذوووق ياقلبو منورة .. =)

---------------------------

اهلا كوريا ..

هههههههههه .. خلاص المرة الجاية اعزمك ان شاءالله =P

الله يعافيك حبوبة ..

سعيدة بطلتك .. =)

نعمان سونا يقول...

ماشاء الله تبارك الله ري رو
بما إني أحب الطبخ والمفروض اطلع شيف بدال مطور ويب
بس تجري العقول بما لاتشتهتي العقول :D اللي هوا

منتي ناوية تعزمي زوار مدونتك عليها ؟

يعني ننتظر طبخاتك الجاية بشغف

ومبروك على القالب الجديد ولو انه متأخر

ilwrd يقول...

Awww, I want some ="(

Nice Blog, I will do it sometime

Bless your hand dear <3

- ilwrd

البرنسيسة ريماس يقول...

بسم الله الرحمن الرحيم

ماشاء الله تبارك الله شكله مرررة جنان

الله يعطيك العافية

miss-nana يقول...

يااااااي ...مررره شكله يمممممي يمممممي
ما شاء الله عليك ..جوعتني الصور
اليوم ان شاء الله راح يكون الغداء طبختك اللذيذه =)
تسلم ايدينك يا شيف ري ري *wink*

Strawberry يقول...

الطبخه شهيه
ان شاء الله اذا لي مزاج للمطبخ بسويها
يعطيك العافيه :)

Janah يقول...

ماشاء الله تبارك الله
تسلم الايادي على الطبخه اللذيذه
يعطيج العافيه والله يوفقج
مبارك لكِ الستايل الجديد
راق لي كثيرا ماشاء الله
الله يسعدك ...♥

m.hallawa يقول...

السلام عليكم
مدونة رائعة جدا ومفيدة
انا عايش في الغربة من زمان وفعلا كنت محتاج وصفات حلوة وعربية مثل هذى
شكرا يا ري ري وهجربها وقولك النتيجة بس ادعيلي ههههه
شكرا
السلام عليكم

hallawa يقول...

بجد تسلمي

ري ري يقول...

سعيييييدة بتوآجدكم جميعا ..

و سعادتي أكبر باستفادتكم مما أضع هنا ..

رزقكم الرحمن سعآدة لآنهاية لها .. =)