Follow Me ~

 

About Me ~

صورتي
جدة, Saudi Arabia
ابنة.. زوجة.. و أم.. خريجة جامعة الملك عبدالعزيز تخصص غذاء و تغذية.. أحب عائلتي الصغيرة و أحب التدوين و الرسم و التصوير و الطبخ و الاكل و كل حاجة حلوة في الحياة .. =)

تابعوني من هنا

تابعوني بالبريد الالكتروني

الأربعاء، 2 مارس 2011

ولا أحد راضي ..~!!

بسم الله الرحمن الرحيم ..
السلام عليكم ورحمة الله و بركاته ..

يا اهلييين و سهلييين جميعا .. 

كيفكووم ان شاءالله بخييير .. !؟

في يوم من الايام الجميلة .. تحديدا يعني قبل كم يوم هع..!!

كنا ماشيين بالسيارة .. و فجأة نشووف تجممممع كبيييير .. نقرب من التجمع .. نبغى نعرف ايش الهرجة .. طلعوا مجموعة ناس ضد القذافي .. 


طبعا عادي مو هنا الموضوع .. 

احنا نكمل نمشي بالسيارة و نسمع بتجمهر ثاني و اصوات عالية .. لما قربنا .. شفنا ..


مجموعة حريم يطالبوا بحقوقهم .. او شي من هذا القبيل .. و هنا هيا دي زبدة الموضوع ..!!

يعني جلست افكر سبحان الله شي عجيب غريب .. الحريم هنا مو راضيين بوضعهم و مو عاجبهم و هما هنا ماخذين كامل و مطلق الحرية ..!!!

أدوهم حرية ماعرفوا يعيشوا ولا عجبهم الوضع .. طيب ايش نسويلكم يعني ..!!؟؟


و المضحك انو قبل مدة في تويتر هاش تاق طلع يطالب بحقوق المرأة السعودية ..!! ههههه .. يبغوا يصيروا زي الحريم اللي فوق اللي اصلا مو عاجبهم وضعهم ..!!!

و المشكلة بالموضوع .. انو الحريم والله للاسف مو عارفين ايش الحقوق اللي يبغوها بالزبط .. كل وحدة في وادي تطالب بحاجة .. اللي تبغى تسوق .. و اللي تبغى تسافر و تروح  و تجي بدون محرم .. و اللي كارهه رجال العالم كلهم بما فيهم ابوها و اخواها و ووو ..
 و اللي جالسة تقول انتوا ياحريم السعودية منتوا احسن حريم في العالم فاهمين ..!! خير في مدرسة احنا ..!!؟
و بعض الرجال دخلوا يتفلسفوا مسوي انو مع حقوق المرأة والله اعلم هوا ايش مسوي باخواتوا في البيت .. و حتى الاجانب دخلوا في الموضوع يدعموا نسائنا السعوديات للحصول على حقوقهم ..!!! خخخخخخخخخ اول شي شوفوا حريمكم ايش يبغوا بعدين تعالوا ادونا حقوقنا ..!!

و المهم انهم خلطوا الحابل بالنابل .. فيه اشياء دينية مالكم يانسائنا الحق في المطالبة بتغييرها و فيه اشياء جاءت من التقاليد و العادات دي بكيفكم عاد سووا فيها اللي تبغوا .. تتظاهروا تعملولها حملة بكيفكم كل ناس و عاداتهم و تقاليدهم الله اعلم فيهم .. 
و بعدين لا تخلوا الموضوع مجرد عناد بينكم و بين الرجال ..!!! ليش الرجال يسوي الشي فلاني و احنا لا ..!! ليش الرجال يشتغل الشغلة الفلانية و احنا لا ..!! 
اجل بالله مدري مين تقول فيما معناه .. ليش لما نهين الرجل نشبهه بالمرأة .. ولما نرفع قدر المرأة نشبهها بالرجل ..!!! ايش السسسسطحية في التفكير دي ..!! التشبيه مو للاهانة ولا لغيروا انما مجرد وصف بالقوة و الضعف ..!! 

و كمان تم اتهامي بالانانية و اني ما احس ببنات شعبي و بلا بلا بلا ....... من دا الكلام اللي لا يودي ولا يجيب .. بس لانو فيه كم شغلة ماعجبتني و علقت عليها ..!!!

ترا ضغطي ارتفع من بعض العاهات اللي بالمجتمع بالله كبروا عقولكم ..!!

اي نعم فيه اشياء عندنا و انظمة غريبة عجيبة ليس لها علاقة بالدين .. يبغالها تغيير و استئصال من جذورها .. لكن فرقوا بينها صح .. نادوا و طالبوا صح .. و انا اول الداعميين .. بس مو بالشكل التووحفة دا ..!!

يعني سبحانك ربي شر البلية مايضحك .. بعض الحريم ما أدري ايش يبغوا في حياتهم .. لا هنا راضيين ولا هناك راضيين ولا شي عاجبهم ..!! 

ما نقول الا الحمدلله على كل حال .. والله لا يبلانا ..!!


6 تعليقآتكم:

بكرى احلى يقول...

ولا احد مرتاح في حياته...

متهوره بٌلطف يقول...

اكرهه شي عندي لما يتدخل حد مو من نفس البلد ويطالب
بحرية النساء السعوديآت نفسي اقتله < ياجاكي شان انا :d

الله يحمي بلدنا من كل شر وآذيه
عبري ياحب عبري ولاتكتمي بقلبك كله ولا تخلي شي بقلبك < هههه


برايفت < اشتقت لك كثييييييييييييييييييير = احبك

ري ري يقول...

بكرى أحلى ..

فعلا .. مايملا عين ابن ادب الا التراب ..!!

-------------------------

متهوووورة ..!!

ههههههههههههههههههه اعصابك ياستي ..مايستاهلوا ..!!

آآآآميييييييين ياااارب ..

ههههههههههههههههههههههههههههه ربي يسعدك حبووووبة .. و انتي اكثرررر والله يابطة ..

منوورة .. =)

ήσѓα يقول...

ههههههه أسلوبك يضحك يابت
والله صادقة يقهرون الحريم مدري وش يحسون به((طالعه منها خخخخ

متأكدة لو يسوون لنا مثل الغرب حرية وكل شي عادي ماراح يعجبهم الوضع
لان سبحان الله الحرمة ربي خلقها تحب الاستقرار وانا تصير ام وتربي اولادها وتحب رجال واحد وهو زوجها

مو حياة الغرب اللي كلها لخبطه وحوسة وين الحقوق بالله؟
والله الناس فاهمين الدعوه غلط
غير اللي جايينك مدري من اي بلد ويتكلم عن السعودية وانهم هاضمين حق المرأه بس عشانه ماتسوق!!!!
طيب كيفنا مانبي نسوق راضين بوضعنا محد شكالكم الحال والله

ذكرتيني كلام قاله مره أبوي يقولي ربك هو اللي خلقك ويعرف كل ذرة من تفاصيلك كيف مايعرف مصلحتك وايش الأشياء اللي تناسبك واللي ماتناسبك

موضوعك جميل خيتو ري ري
^__^

ري ري يقول...

يا اهلين و سهلين نورا ..

هههههههههههه ان شاءالله دووم الضحكة يارب .. =$

فعلا و الله انا معاكي بكل كلمة ..

منجد فاااهمين الموضوع غلط ..!!

وصحيح كلام أبوك الله يخليه ليكي يارب ..

الاجمل طلتك ياعسسسسل ..

منووورة .. =)

محمد يقول...

ههههه مدونة رائعة الله الموفق..