مدونة ري ري: مشغل الصوت الفلاشي .. ~

الخميس، 5 مارس 2009

مشغل الصوت الفلاشي .. ~

11:47 ص | كتبتهآ .. ري ري |

.

السلآم عليكم ورحمة الله وبركآته ..

حيآكم ربي .. منورين .. ^^

بصرآحة مدري ايش الهرجة العيب فيآ و لا في المدونآت ..

اشوف المدونآت هآدية و يآدوب كل يومين ينزل موضوع .. وانا مآشآءالله وانا احاول اهجد لآزم باليوم انزل موضوع او موضوعين ..

مآعلينآ مآعلينآ .. اللي يحب الهرج الكثير يسنتر عندنآ ..

الموهيم من مدة الله اعلم قد ايش .. كنت اشوف مشغلآت المقآطع الصوتية الفلآشية بالموآضيع و الموآقع و المدونآت ..

<<--- التسمية من رآسي لحد يعتمدهآ و بعدين يقولي تألفي علينآ ..

ونفسي اعرف كيف يسووهآ .. ومن فين يجيبوهآ ..

.. و بعد تعآملي مع المدونآت و احتكآكي بالاكوآد و زي كدآ .. بديت افهم الشغلة ..

ومرة من المرآت طحت بمدونة من المدونآت .. وطبعا كآن فيهآ المشغل اللي ابغآه .. ومشكلتي ما احب اسأل و ازعج الناس الا اذا وصلت حدي و عجزت تمآآآمآآآ ..

فطبعا حآولت اجيب الكود بأي طريقة ..

ايش سووويت .. حفظت الصفحة على شكل html .. وبعدين فتحتهآ بالـ notepad .. لكن مآنفعت الحركة ..

مآعرفت الكود من فين يبدأ و الى اين ينتهي ..

ففكرت طبعآ في طريقة ثآنية اكثر ذكآء من الاولى .. <<--- محدثتكم مآشآءالله عليهآ اوم الذكآء ..

فتحت الصفحة بالفرونت بيج ..

.. وحددت المشغل و نسخت الكود .. <<-- فيس يرفع حوآجبه ..

اكيد تفكروآ .. يآترى ايش هو المشغل اللي اتكلم عنه و مين هو دآ اللي مسوية الحوسه دي كلهآ عشآنه ..

؟؟!!

انا اقووولكم ..

المشغل اللي اتكلم عنه ..

هو ..

ونــآسة مرة يعجبني شكله و خفيف و الوآحد يقدر يلعب فيه على كيفه ..

وحلو استخدمه بالمدونة عشان اعرض الاناشيد قبل التحميل و زي كدآ ..

الموهيم المشغل اللي اتكلم عنه هو ..

دآ .. انشودة مبروك .. <<--- بمنآسبة نجآحي طبعآ ..

الانشودة للتحميل برآبط مبآشر .. كلك يمين ..

|| حفظ الهدف باسم | Save target as ||

طبعا انا هنآ لآعبه بالالوآن .. مع انهآ مو عاجبتني مرة بس مشوآ حآلكم ..

لا واللي يقهر بصرآحة اني دورت عن الكود و كيف العب بالالوآن في العآلم العربي مآلقيت شي .. !!

لكن لما دورت بالعنقليزيش ..

.. على طووول لقيت المعلومآت اللي ابغآهآ ..

الحمدلله عندي لغة تمشيني ولا كآن جلست افحط ..

.
.

على فكرة اذا تبغوآ الطريقة و الكود قولولي .. و انا من عنوووني اديكم هيآ ..

وعلى فكرة ثآنية .. مين يقولي كم مرة قلت .. طبعآ .. في الموضوع اليوم ..

التصنيفات: اناشيد ..~, موهبة و هوآية ..~

4 تعليقآتكم:

غير معرف يقول...: الله يعينكم يا أهل الـ Blogger
أنا جبتها إضافة و أنتهت المشكلة :p

يكن حقيقة شي رائع جدا الي سويتوه ، حلو التفكير و البحث ^_^

أنا الحمدلله تعلمت من الزملاء في العمل كيف تسرق الأكواد ههههههه أي شي يعجبني افتح مصدر الصفحة و أطلعه وعلى جمب :p; 8 مارس 2009 في 11:03 م
ري ري يقول...: ههههههههههههه ..

احلى شي بالبلوجر علمنآ التفكير خخخخ ..

هههههههههه .. ايوة خلآص وانا تعلمت اسرق بطريقتي ..

منور يآ استآز ..; 9 مارس 2009 في 12:37 م
متهوره بٌلطف يقول...: ههههههههههههههه

مبروك السرقه :P

وعتيني الكود :P; 1 أبريل 2009 في 11:42 م
ري ري يقول...: الله يبارك فيك غلاتي و لايهمك .. ^^; 8 أبريل 2009 في 9:35 م

إرسال تعليق

(مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد)

اسعد كثير بارآئكم و تعلقيآتكم .. فـ بـهآ نرتقي .. ^^

* و تراني ديموغرآطية :P اتقبل و اتفهم اختلاف الاراء بيننا .. :$

Follow Me ~

About Me ~

تابعوني من هنا

Blog Archive

مشغل الصوت الفلاشي .. ~

4 تعليقآتكم:

إرسال تعليق