Follow Me ~

 

About Me ~

صورتي
جدة, Saudi Arabia
ابنة.. زوجة.. و أم.. خريجة جامعة الملك عبدالعزيز تخصص غذاء و تغذية.. أحب عائلتي الصغيرة و أحب التدوين و الرسم و التصوير و الطبخ و الاكل و كل حاجة حلوة في الحياة .. =)

تابعوني من هنا

تابعوني بالبريد الالكتروني

الأحد، 21 يونيو، 2009

و خـــلــصــــنــــآآآ..~!!

.

بسم الله الرحمن الرحيم
السلام عليكم و رحمة الله و بركاته


الحمدلله ربي عدنــآ و العود أحمد .. و محمد .. و عمر ..و...و....و.... <<-- يازين الروقان ياناس ..

الحمدلله ربي خلصت سنة ثاني .. !!

صرت كبيرة والله ورايحة لـثالث ان شاءالله على خير .. بصراحة أحسه مو لايق عليا ولا على صحباتي ..

مدري احس اشكالنا لسه صعنوونييين بدري علينا ..

الموهيم .. و الله الترم دا خلص بعد ما اخذ كل مافيا من طاقة و مجهود و صحة ..

كان ضغط ضغط ضغط لابعد الحدووووود .. سواء من البيت او من الدراسة ..

لكن الحمدلله قدرنا نعديها بفضل ربي و رحمته ..

ماراح اطول عليكم .. بس اكثر شي قـــهــــرني بالترم دا ..

هو دكتورة منــآهج البحث .. حسبي الله و نعم الوكيل الى يوم القيامة لو كانت ظالمتنا ..

وربي مو ناسيتها لهـــآآآآ .. .. ع الاقل الين اخلص البكالوريوس ..

صححت اوراق الاختبار .. و طلعت انا و صحبتي ناقصين فوق الـ8 درجــآت .. !!

يمكن بعضكم يشوفها عادي 8 درجـآت .. بس بالنسبة ليا شي كبيييير .. ><

يعني ممكن انجح و ما اخد الممتاز بسبب الـ 8 دي .. !!

و اللي قهرني اكتر انه فيه بنات مو مذاكرين و ماخذين درجات اكثر مننا ..

و اللي قهرني اكثر .. اني متأكدة من صحة اجاباتي باذن الله .. فكانت الـ8 دي صدمة بالنسبة ليا ..

و اللي قهرني اكثر و اكثر و اكثر و اكثر و اكثر و اكثر...... الى اللانهائية .... ومابعدها ..!! <<--- بدينا تحشيش خخخخخ

ايوة اللي قهرني منجد و رافع ضغطي .. اني طول الترم اجري وراها .. اطالب بحق رؤيتي لورقتي و رؤية الاخطاء اللي فيها .. سواء اخطاء في اجاباتي او في تصحيح الدكتورة نفسها ..

فكانت توعدني انها راح توريني ورقتي .. و كل يوم تقولي نسيت .. او تعالي بعدين .. و كل مرة بعذر ..



يــآ دكتورتي العزيزة .. لاتنسي انه وعد الحر دين .. و ليا عندك دين .. !!


و مع احترامي الشديد لشخصك الكريم ..

تذكري انه لا يخلف الوعد إلا ........!!




<<--- مو خلصت الترم خلوني اطلع شوية من اللي بقلبي ..

<<--- صدق من قال يا رايح كثر الفضايح ..




و دحين خلص الترم و انا الى لحظة كتابتي لهذا البوست مقهورة ع الورقة اللي ماورتني هيا ..

دا طبعا غير البحث اللي طلبته مننا و جلسنا نعمله فوق الشهر .. و نجري و راها ..

ومرة اخذته مننا عشان تراجعه لنا و اذا فيه اخطاء نصححها ..

تخيلوا .. بالله بس تخيلوا .. شغل تعبانين عليه شهر ..

نروحلها نقلها شفتيه يادكتورة ..

بكل برود تقولنا .. و الله ضيعته مدري وينه .. دوروله هنا عندي بين الاكياس .. !!!!!!!

يعني الاستهتار وصل لدي الدرجة .. !!

سوري بليز لحد يقولي يمكن مشغولة او عندها ارتباطات و..و..و...

اذا هيا مشغولة و ماراح تهتم في بحثنا كان طلبت مننا نسلمه جاهز و انتهينا ..

ولا من الاساس اصلا ليش تدوخ نفسها بمشاغل كثيرة ..

الشغل امانة و راح يحاسب كل انسان على شغله ..

والله اذا الواحد مو قد الشغل .. لايشتغل احسن .. ولا يأذي خلق الله معاه .. !!

الحمدلله اني محتفظة بنسخة من الشغل حقتنا ولا كان راح هباء منثورا ..

<<--- بالله كم مرة ذُكرت كلمة شغل في السطور السابقة خخخخخخخ

الموهيم ربي حسيبي ووكيلي .. و اذا كنت مظلومة راح يردلي حقي باذنه تعالى ..

دحين باقي استنى النتائج و باذن الله تكون مبشرة بالخير يـــآرب ..



أتمنى في هذه اللحظة .. لو أقضي بعض الوقت بعيدا عن كل شيء و أي شيء ..

تذكرة سفر الى "جزر المالديف" مثلا ..




شـــآكرة من داخل اعماق اوردة و شرايين اعماق قلبي .. كل من ساندني و وقف معي ..

سواء بسؤاله او اتصاله او رسائله او دعواته ..

رزقكم ربي كل خير و ما تتمنوه لي اضعافا مضاعفة ..

شــآكرة لكم انتم تحمل ثقالتي و التفريغ اللي طلعته هنا ..



لـيـآ عودة باذن الله للمزيد من الاهتمام ببيتي الصغير "مدونتي"


.

6 تعليقآتكم:

متهورهً بلطفً يقول...

خلصتي وناااااااااااااااااااسه

مابغيتي حسيتك راح تختبري كل المواد اللي بدنيا كلها :P

وحشاني يادبآ :(

حسيت ان وشسمـ9 حياتي من غيرك سلطه :D

تيب فزفزلي كل اللي بقلبك

خبريني عنوان الدكتوره وانا اجيب ورقتك منها = ياجاكي شان انتي لوووولً

حمدلله ع السلامـ9 ..

محبتي

ري ري " كلي أمنيآت مجنونة " يقول...

هههههههههههههههههههههههه ..

يااااقلبي انتي .. والله انا اللي حسيت اني ماراح اخلص اعوذبالله .. ><

الحمدلله عدت على خير ..

فديت السلطة والله .. :$ هههههه

ههههههههههههههه احلى ياجاكي انتي خخخخ

الله يسلمك ولايحرمني تواجدك ياعسل .. :)

متهورهً بلطفً يقول...

ري ري :

http://dc05.arabsh.com/i/00241/unp0skm1zxt0.gif

رابط بنري عملته بمقاس مناسب ومرتب

^^

وفديت قلبك انا

Y.Ahmad يقول...

هممممم من شكواك ومعاناتك الموضحة اعلاه ...يبدو انكِ من المنتسبات الى جامعة عزوز ؟
o_O

Ч a s м ι и - [كائن ساخر,عاقل,بالغ,حر,مكلف] يقول...

هممممم من شكواك ومعاناتك الموضحة اعلاه ...يبدو انكِ من المنتسبات الى جامعة عزوز ؟
o_O

ري ري " كلي أمنيآت مجنونة " يقول...

هههههههههههه .. ايوة جامعة عزوز و هل يخفى القمر :P

بس كليتي خارج الاطار تبع الجامعة .. :D