Follow Me ~

 

About Me ~

صورتي
جدة, Saudi Arabia
ابنة.. زوجة.. و أم.. خريجة جامعة الملك عبدالعزيز تخصص غذاء و تغذية.. أحب عائلتي الصغيرة و أحب التدوين و الرسم و التصوير و الطبخ و الاكل و كل حاجة حلوة في الحياة .. =)

تابعوني من هنا

تابعوني بالبريد الالكتروني

الخميس، 6 يناير، 2011

حياة جديدة ..~



بسم الله الرحمن الرحيم 
السلام عليكم و رحمة الله و بركاته 


يسعد أيآمكم جميعا .. زوآر المدونة الكرآم و المتابعين لها .. =)


غبت عن عالم التدوين و الكتابة بشكل عام قرابة الستة اشهر .. فاعذروني و اصبروا علي اذا لم استطع الكتابة بشكل جيد .. ريثما أعتادها مرة أخرى .. =) 


قبل 6 أشهر من اليوم .. تغيرت حياتي كليا .. و انتقلت من حال الى حال .. <<-- من حال جميل الى أجمل و لله الحمد .. =)


أصبحت متزوجة .. و مغتربة .. انتقلت من بيت والدي .. الى بيتي =) .. و انتقلت مع زوجي من بلادنا الحبيبة الى بلاد الغربة "الولايات المتحدة الامريكية" .. ريثما ينتهي زوجي من دراسته " دعواتكم له بالنجاح =) "


بدأت ادرس اللغة قبل 3 اشهر و اتمنى ان انتهي منها الشهر القادم باذن الله .. " كمان دعواتكم ليا بالنجاح D= "


لن اتحدث عن حياتي الجديدة فلا اعتقد ان فيها مايهم .. و لكنني سأتحدث عن البلاد الجديدة التي أسكنها الان .. و هيا بالطبع تختلف تمااااامااا عن بلادي الحبيبة .. =)


اممممم حديثي هنا لا اعتقد انه سيكون ذو قيمة او فائدة تذكر .. كل مافي الامر هو انني اود تدوين بعض النقاط عن ماوجدته هنا .. نقاط مهمة نقاط ليش لها اي معنى .. المهم سأكتب .. فلكم ان تقرأوا ما كتبت ولكم ان تغلقوا النافذة .. لا شيء اجباري هنا .. <<-- لايكثر بس !


و قبل ان ابدأ بتدوين النقاط أحب أن اغير طريقة كتابتي من العربية الفصحى الى العامية .. " عشان اخذ راحتي في الكتابة =$ "


بسم الله نبدأ .. 






* الجو هنا طبعا يختلف 180 درجة عن الجو اللي اتعودت عليه .. في الصيف الجو مرررة جميل .. يميل احيانا للحرارة .. و في الشتاء"دحين يعني" .. البرررد قااااتل .. درجة الحرارة الين دحين وصلت -10 .. ودي الدرجة جدا مؤلمة بالنسبة لوحدة كانت ابرد درجة حرارة في حياتها 20 درجة ..هع !!


* امممم الطبيعة هنا مرررررة غير شي مرررة روووعة و كل حاجة خضراء .. "اشتقنا نشوف رمل اصفر" خخخخ .. و اول مرة في حياتي اشوف الفصول الاربعة بأم عيني !! بالنسبة ليا الين دحين .. فصل الخريف كان من أجمل الفصووول .. جدا رائع .. الجو يجنن و الاشجار تصير أخضر و اصفر و احمر و اورنج .. مرة واو ..


* شوارعهم تعتبر نظيفة جدا جدا جدا مقارنة بشوارعنا .. اكيد فيه كم قارورة و كم كيس لكن شيء لايذكر ..


* النظام شي مررررة جيد و كلهم ملتزمين فيه و البوليس متخبين في كل حته ! .. شوارعهم مليااااانة لوحات على الجانبين .. لكن مافي ولااااا لوحة غير مفيدة ..!!


* النت هنا مرررررة مستفيدين منه بشكل حلووو اي شي تبغى تدور عليه ح تلاقيه في النت .. السوبرماركتات المولات دفع الفواتير اللي تبغاهاي شي  تدورله راح تلاقيه و راح يفيدك اكيد ..


* امممم بالنسبة ليا كنت متخوفة جدا من حكاية المضايقات و الكلام و ما الى ذلك .. خصوصا اني امشي بحجابي "عباية و طرحة و متلثمة" .. لانه بالذات حكاية الغطا و اللثمة دي مرة شي غريب عندهم .. فكنت شايلة هم .. بس الحمدلله ماشاءالله 6 شهور ماشية بينهم ماقد صارلي موقف سيء .. 


* الاكل عانينا في البداية عشان نلاقي اكل زي الناس بس الحمدلله دحين مشيت امورنا و بدأت اعرف مكان الاشياء اللي احتاجها و فين ممكن الاقيها ..


.
.
.


امممم هيا دي النقاط اللي في بالي الان .. ممكن تزيد اذا اتذكرت حاجة .. =)


و اذا فيه اي سؤال .. انا موجودة .. =)

*المزيد من  الصور راح تكون موجودة ع الفلكر تبعي

11 تعليقآتكم:

Abdullah Saeed يقول...

الله يوفقك وييسر أمرك ويسعدك دنيا و آخره ^_^
مبروووووووك لك ^_^

بالمناسبة ماقلتي وين رحتو :p

ري ري يقول...

اللهم آآآآميييين يارب .. للجميع .. =)

الله يبارك فيك و عقبال عندكم ..

عدلت البوست =$

رحنا "أمريكا" .. O_O

Rmadyah يقول...

مبرووك ..
الله يوفقك ان شاء الله
ويسعدك =)

تونا جاوية بالنكهة اليابانية يقول...

يناااسووو عليكي يا عسل :)
الله يسعدك يارب ويحفظك وكل غالي على قلبك ..

ابشري يختي بألحقك وأصير حرمة عاقلة إن شاء الله هههههههه
بس محا أشطح امريكا فجأة .. إن شاء الله يعني .. ههههههه

وحشتينيا ياشيخة

غدير يقول...

ري ري ="
وأخيرًا !
اشتقنا والله ..
دايم أطلّ ع مدونتك ، وأقول متى ترجع =""
خنقتني العبرة ..

أستوعب وأررد ثاني

="""

Mousa Almohsen يقول...

ألف ألف مبروك
ونتمنى لكم حياة سعيدة
ربي يوفقكم ويسر لكم
دمتم بكل تفاؤل :)
^^ ^^

ري ري يقول...

Rmadyah

الله يبارك فيكي و يسعدك ياعسل ..

---------------------------

تووناا

اللهم اميييين يارب و اياكي قلبوو ..

منجد مرة لا تشطحي شوية شوية =P

-------------------------

غدير

حبوبة .. مايوحشك غالي ياعسوولة ..

الله يسعدك =$

-------------------------

Mousa Almohsen

الله يبارك فيك و يسمع منك يارب ..

مشكورين ع الطلة .. =)

ήσѓα يقول...

ماشالله مبروك خيتو الله يسعدك ويوفقك
تستاهلين كل خير والله =)

ري ري يقول...

ήσѓα

الله يبارك فيك و يسمع منك .. =)

وتستاهلي الطيب حبوبة كلك ذوووق =$

ربي يسعدك ع الطلة العسل ..

المميزهـ يقول...

موفقه حبيبتي لكل خير ..~

غير معرف يقول...

اي ولاية ساكنة فيها