Follow Me ~

 

About Me ~

صورتي
جدة, Saudi Arabia
ابنة.. زوجة.. و أم.. خريجة جامعة الملك عبدالعزيز تخصص غذاء و تغذية.. أحب عائلتي الصغيرة و أحب التدوين و الرسم و التصوير و الطبخ و الاكل و كل حاجة حلوة في الحياة .. =)

تابعوني من هنا

تابعوني بالبريد الالكتروني

الجمعة، 21 يناير 2011

سلمولي على جدة ..~!



بسم الله الرحمن الرحيم 
السلام عليكم و رحمة الله و بركاته

يسعد ايامكم جميعا .. =)

كيف الاجواء عندكم ؟؟ انا عن نفسي الاجواء هنا باردة ابرد شي .. =X 

و متوقعين اليوم بالليل ينزل علينا ثلج ان شاءالله .. كل الامنيات القلبية بأن كمية الثلج تكون جدا كبيرررة عشان مانروح المعهد بكره ..=$ !! <<--- و عشان شايلة هم الواجب الطويل =P 

المهم ماعلينا ماعلينا .. على طاري الثلج .. امممم ياترى لو يوم نزل ثلج على جدة ايش راح يصير ..!؟

راح نتجمد ؟ ولا نغرق ؟! ولا راح تتقفل الشوارع و زحمة و حالة ؟ ولا ايش راح يصير ياترى ..؟

كل مرة ينزل علينا هنا ثلج و مطر و ننزل الشارع افكر في حاجة وحدة .. لو الاجواء دي عندنا في جدة كيف راح يتم التعامل معاها !؟

هنا تنزل الثلوج بكمياااات كبيييرة و عواصف ثلجية و امطار .. تتوقعوا الشوارع صار فيها شي ؟؟؟

الشوارع ولا كأنو نزل ثلج .. اصلا بمجرد ماينزل الثلج تبدأ سيارات كبيرة تشتغل رايحة جاية تنظف الشارع .. وطول ما الثلج بينزل السيارات دي تنظف .. حتى ممرات المشاة تتنظف من الثلج ..!! ولا يتقفل شارع ولا تصير زحمة ولا غرق !!

يعني ايش المنظر لما يوقف الثلج ..!؟ دنيا بييييضة مغطية ثلج .. بس شوارع نظيفة !



.

8 تعليقآتكم:

تونا جاوية بالنكهة اليابانية يقول...

يلا نتبادل؟ XD

عاطف الحازمي يقول...

صباح النور يا هلا و غلا والله .. عندنا بجدة الان صباح الساعه 9 من يوم الجمعة ..

بجد بجد بجد .... اذا بدون ثلج او مطر لازم تلاقي الشوارع مقفولة .. اما حفريات اللي ما تخلص ابدا ... او زحمة ناس توها جاية تتعلم سواقة او ان الواحد فيهم نايم اذا ساق و بالليل سهر و مواصل ... راح تلاقي انواع السب و الشتم ...

باعتقادي لو نزل ثلج على جدة ؟؟؟؟؟؟ يعني بالله ايش راح يصير ؟؟؟؟؟ العقول تثلج اكثر من انها مثلجة ولا تتحرك الا بالشديد القوي ...

اذا شافو مطر نزلو على الشوارع ... كيف لو نزل ثلج ؟.؟.؟.؟.؟

تحية صباحية لاختنا الجداوية بامريكا

samosamx يقول...

السلام عليكم
شلونك اختي عشاك بخير
والله اتوقع اذا نزل ثلج بجده ووقف نزول الثلج بيكون الشوارع مووووووووووية

لانه الشمس على طول بتضربها :)

الم الواقع يقول...

ههههههههه الحمد لله انا مو من جده بس مدونتك رووعه استمري ^_^

الآء يقول...

أولًا .. اسأل ربّي الكريم يكتب لكِ السعآدة بِ حيآتك الجديدة .. سُعدت بخبر زوآجك =) ..
وَ يَ رب يسعد قلبك يَ ري ري وين مَ تكوني ..
ويبعد عنّكم الغُربة وَ إحسآسها ..
..
جبتيها ع الجرح بِ مدونتك =(
توّي اقراها
وقبل امس سيول أغرقت جدّة لِ المرّة الثآآآآآآنيه !!!
الحمدلله ع كل حال وقدّر الله وماشاء فعل !
قريت مدونتك إللّي قبل هذي وعن التنظيم والحياة هناك كيف .. والله قلبي يحترق ! ايش ينقصنا يعني عشان نعيش بِ تنظيم ونظافة مثل حياة " الكفّار " ؟
..

ري ري لاتختفين يَ حلوة .. =) خليكِ قريبه دايمًا وطمنينا عنك ..

ربّي يحفظك ويحفظ لك دينك ويزيدك ثبآت ..
ويردّك لِ اهلك وأحبابك سآآآآلمَه
( وَ يَ رب تنجي :P )

* الآء =)

Rmadyah يقول...

جده صارت زي مدينة البندقية من بعد الامطار :(

أفكار يقول...

.

ونحنُ على مقربة منكم ..
موقع أفكار مُتخصص في توجهه لخدمة المدونين التابعين لخدمة بلوجر المجانيّة

تفضل بإلقاء نظرة , وضعنا في الاعتبار إن رغبت في التغيير ..
http://ideas-for-design.blogspot.com

.

ήσѓα يقول...

خليها على ربك وانا اختك
كل شي يقدرون يسوونه هنا ويقدرون يجيبون سيارات وطيارات بس للأسف مافيه أمانه ميزانية الصرف والصحه كلها نروح لجيوب المسؤولين حسبي الله عليهم =(